Qırımlı, Ukrainalı Akademik, Tarihçı, Şarqşınas ve Hiperpoliglot
Agatangel Yefimoviç Krımskiy
Doğganınıñ 150 Yıllığına Bağışlanğan Bir Konferentsiyanen Añıldı
Qırımlı, Ukrainalı Akademik, tarihçı, şarqşınas ve hiperpoliglot Agatangel Yefimoviç Krımskiy Ankara’da Ulucanlar Cezaevi Muzeyinde doğganınıñ 150 yıllığına bağışlanğan bir konferentsiyanen añıldı.
TÜRKSOY, EkoAvrasya ve Ukraina’nıñ Ankara Büyükelçiligi ve Altındağ Belediyesi hazırlağan, saat 14.00’te Ulucanlar Cezaevi Muzeyi Sanat Sokağı VİP Konferans Salonı’nda yapılğan konferentsiyanıñ başlığı “Türkologiyağa Bağışlanğan Bir Ömür: Agatangel Krımskiy”edi.
Pandemiya sebebinen Ukraina’nıñ Ankara Büyükelçisi Andriy Sıbiga (Andrii Sybiha), Türk Dil Kurumu Başqanı Prof. Dr. Gürer Gülsevin, TÜRKSOY Genel Sekreteri Düsen Kaseinov, Altındağ Belediye Başqanı Doç. Dr. Asım Balcı, EkoAvrasya İcra Heyeti Başqanı Hikmet Eren ve sıñırlı sayıda musafir qatıldı.
Açılış qonuşması yapqañ Türk Dil Kurumu (TDK) Başqanı Prof. Gürer Gülsevin, TDK’nıñ Ukrain tilinde Türkçeniñ tesirlerinen bağlı çalışqanlarını añlatıp, 2021 yılı yekünlenmeden Ukraince-Türkçe luğat çıqacağını ayttı.
Ukraina’nıñ Ankara Büyükelçisi Andriy Sıbiga da Krımskiy’niñ yapqan çalışmalarınıñ hâlâ daa qıymetini saqlağanını ve Türk dünyası içün emiyetini ayttı. Krımskiy’niñ Türk ve İslam geografiyasınıñ tarihınen bağlı akademik işler yapqan ilk bilim insanlarından olğanını, adının Ankara’nıñ soqaqlarından birine berilmesi içün Ankara Büyükşehir Belediyesine müracaat etkenlerini bildirdi.
Soñ olaraq Ankara Hacı Bayram Veli Üniversiteti Öğretim Üyesi Prof. Dr. Hülya Kasapoğlu Çengel Krımskiy’niñ Türkçe, Arapça, Farsça, Sanskritçe, İbranice ve Slav tillerinen beraber eñ az 16 til bilgenini ve Ukraina Bilimler Akademiyasınıñ qurucısı olğanını añlattı.
