Yerastı Çıqmazı: Kıyiv’de Qırımlı Siyasiy Mahbüslerge Destek
Maqsadınen Yapılğan Sanat Proyekti Ömürge Keçirildi
Kıyiv’de bir altkeçitte “Yerastı Çıqmazı” adlı sanat proyektiniñ açılışı yapıldı. Kremlin yönetimi tarafından ğayrıqanuniy olaraq tututlğan Qırımlı siyasiy mahbüslerge yardım etmek maqsadınen ömürge keçirilgen proje, Yevropeyska Meydanı’ndaki altkeçitte tizildi.
KrımSOS teşkilatı ve Tiflis merkezli ARTIФ Platforması işbirliginde “Yerastı Çıqmazı” adlı sanat proyekti ömürge keçirildi. Gürcü sanatçısı David Kuhalashvili altkeçitniñ divarlarında yapqan resimlerinen hapishane koridorınıñ atmosferasını yarattı. Her bir hücre qapısı yanında QR-kod yerleştirildi. Kodnı tarap, Kreml yolbaşçıları tarafından tutulğan her bir Qırımlı siyasiy mahbüs haqqında bilgi almaq mümkün.
Proyektniñ taqdimi sırasında sözge çıqqan Ukraina Prezidentiniñ Qırım Daimiy Temsilcisiniñ Yardımcısı Tamila Taşeva, “Rusya Federatsiyası, 2014’te Qırımnı işğal etkenden soñ Ukraina tarafdarı aktivistlerni quvmağa, Qırımtatar milliy hareketi aktivistleri ve cemaat aktivistlerine yapılğan basqını arttırmağa başladı. Qırım içün eñ kritik yıllar 2018-2019 yılları oldı. Meselâ, 2019 yılında bir qaç kün içinde 27 Qırım Birdemligi aktivisti tutuldı. Halqara tedbirlerde sıq-sıq statistik malümatnı añlatamız, fakat her bir sayınıñ artında bir insan hayatı bar. Siyasiy mahbüslerniñ çoqusını men şahsen tanıyım. Her kesni, Kıyiv’deki Yevropeyska Meydanı’ndaki altkeçitke enip, Qırımnı işğalden qurtarmaq, Ana Vatanlarında yaşama ve diniy serbestlik haqqı içün mücadele etmege devam etkenlerniñ hikayelerini ögrenmege davet etem”, dedi.
Eski siyasiy mahbüs Oleg Sentsov da Qırımlı siyasiy mahbüslerniñ azat etilmesini temin etmek içün Ukraina’nıñ devamlı söz yürütilgen meseleni kün tertibine ketirmesi kerek olğanını qayd eterek, “Unutılmamalı! Bu üstünlikli bir mevzu. Tecavuz, cenk, Rusiye’nıñ bizge tecavuz etkeni, topraqlarımıznı işğal etkeni ve insanlarımıznı esir alğanı haqqında söz yürsetmelimiz”, diye añlattı.
Belli olğanı kibi, Rus işğali altında bulunğan Qırım’da 109 kişi, diniy veya siyasiy sebeplerden serbestliklerinden mahrum qalmaqtalar. Kreml yolbaşçılarınıñ esir tutqan siyasiy mahbüslerden 74’ü Qırımtatarı.
Qırım Haber Ajansı’nıñ 2021 yılı Kiçik Aynıñ 9-ı tarihli haberinden alınğan.
