Qırımtatar Milliy Bayraq Künü
Halqara Santraç Turniri Yekünlendi
Genç Tatar teşebbüsinen teşkil etilgen ve Qırım Dernegi Umumiy Merkeziniñ desteginen 26 Haziran 2022’de keçirilgen “Qırımtatar Milliy Bayraq Künü Halqara Santraç Turniri” klassifikatsion matçlarından soñ final matçlarınıñ oynamasınen tamamlandı.
Turnirge Türkiye, Ukraina, Rusiye, Amerika Qoşma Ştatları, Poloniya, Hollandiya, Türkmenistan ve Hindistan’dan toplam 77 kişi müracaat etti.
Qayd yaptırğanlar arasında Qırım Muhtar Cumhuriyeti Müslümanları Diniy İdaresi Reisi Müftiy Ayder Rüstemovnen beraber Ukraina ve Qırımda santraç çempionlıqları olğan, FİDE halqara lisansına sahip Qırımtatarı professional santraç oyuncısı bir talebe arqadaşımız da turnirimizde iştirak etti.
Ayırıca santraç hocası olaraq da çalışqan FİDE halqara lisansına sahip ülkemizniñ üniversitetlerinden bir akademisyen hocamız da turnirge qatılaraq, finalğa qadar yükseldi. Aynı zamanda bugünge qadar teşkil etkenimiz turnirlerde ilk defa bir qadın yarışmacı final matçlarına çıqıp, muvafaqiyetli oldı. Ülke içindeki turnirlerde çeşitli derecelerge sahip olğan bu qadın yarışmacı da FİDE halqara lisansına sahiptir, ancaq turnirimizde belli bir derecege kirip olamadı.
Elbette, qayd yaptırğan 77 kişi arasında professional sportçularnen bir sırada aveskâr oyuncılar da iştirak etti.
Turnirde iştirak etken üç usta oyuncı, "FİDE Master (FM) - FİDE Ustası" (Ülke platformasında professional añlamda santraç lisansı) unvanlı Hindistan ve Rusiyeden eki oyuncı ile "International Master (İM) - Halqara Usta" (FİDE halqara lisansı) unvanlı Türmenistandan bir oyuncı hem klassifikatsion, hem de final matçlarını oynadı.
Turnirge qayd yaptırğan 77 kişiden 56-sı klassifikatsion matçlarına qatıldı. Klassifikatsion matçlarına qatılğan 56 yarışmacıdan 12-si finalda iştirak etmege haq qazandı. Final matçları esnasında bir yarışmacınıñ diskvalifikatsiya etilmesi sebebi ile final matçları 11 yarışmacı ile oynandı.
Klassifikatsion matçlarında Ukraina, Hindistan, Hollandiya, Türkiye, Rusiye ve Türkmenistandan oyuncılar yer aldı.
Final matçlarında ise Türkiye, Hindistan ve Hollandiya’dan sportçular yer aldı.
Turnir matçları Genç Tatar sotsial media hesaplarında canlı olaraq yer alğsnı kibi, final matçları aynı zamanlı olaraq youtube üzerinden de yayınlandı.
Derecege kirgen oyuncılarnıñ final sıralaması da şu şekilde oluştı:
1. Kartavya Anadkat - Hindistan
2. Yusup Atabayev - Türkiye
3. Aaryan Varshney - Hindistan
4. Omm Aditya Khadanga - Hindistan
5. Batuhan Sütbaş - Türkiye
Qırımtatar Milliy Bayraq Künü Halqara Santraç Turniri qarşılaşma qaydlarını aşağıdaki linklerden baqa bilirsiñiz:
Klassifikatsion matçlarınıñ canlı yayın qaydı: https://fb.watch/dWZax0k6f4/
Final matçlarınıñ canlı yayın qaydı:
Facebook: https://fb.watch/dWZdmb_Hbe/
Youtube: https://www.youtube.com/watch?v=y0f2b_lhDjo
