QIRIMTATAR MİLLİY BAYRAQ KÜNÜ
1989-dan soñ Qırımtatarlarnıñ vatanlarına qaytuvı 1991 senesine qadar bütün qıyınlıqlarğa qarşı artmağa devam etti. Sovet idaresi tarafından Qırım oblastınıñ 1991s. Kiçik ay 12 (12 Şubat 1992) tarihinde Qırım Muhtar Sovet Sotsialist Respublikasına aylandırılması da Qırımtatarlarına qıyınlıq çıqarttı. Bu yañı muhtar respublikada Qırımtatarlarnıñ özlerine temsil haqqı berilmedi. Kene de Qırımtatarları özleri milliy ve diniy qurumlarnı tiklendirmege başladı.
Qırımtatarları öz haq ve huquqlarını qorçalamaq içün Qırımtatar Milliy Qurultayı Parlamenti olğan qurultaynı keçirdi. Bu qurultaynıñ yolbaşçısı Qırımtatar Milliy Hareketi Teşkilâtı edi. Qırımda ve sürgün yerlerinde saylavlar yapıldı. Bu saylavlarnıñ neticesinde Qırımtatar Milliy Qurultayı, 1991s. İlk yaz ayı 26 (26 Haziran 1991) tarihinde Aqmescitte toplandı. Qurultay, Rus çoqluğınıñ qayd etkeni Qırım Muhtar Sovet Sotsialist Respublikasını tanımağanı ve Qırımtatarlarnıñ milliy taqdirlerini tayin etme haqqını ilan etti. Qırımtatar Milliy Meclisine 33 kişi saylandı ve meclisniñ reisi Mustafa Cemilev (Mustafa Abdülcemil Qırımoğlu) oldı.
Qırımtatar Milliy Qurultayınıñ toplaşuvı Qırımtatar milletçiligi ve devletçiligi içün müim bir körsetüvi oldı. 1917-de Qırımda Noman Çelebicihannıñ yolbaşçılığında keçirilgen I-inci Qırımtatar Milliy Qurultayından soñ ekinci kere Qırımtatarları milliy bir qurultay keçirgen oldı. Milliy tarihniñ bu müim kününiñ bir bayram olaraq qayd etilmesi ilk kere Ahmed İhsan Qırımlı tarafından teklif etilgen edi. 2010 senesinde Qırımtatar Milliy Qurultayınıñ alğan bir qararnen İlk yaz ayı 26 (26 Haziran) künü, Qırımtatar Milliy Bayraq künü olaraq keçirilmege başlandı.
Fotoğraflar: QHA (Qırım Haber Ajansı)
