“MUSTAFA” Filmi Türkiyede Kösterilecek
Qırımtatarlarınıñ Milliy Lideri, Türk Dünyasınıñ Aqsaqalı Mustafa Abdülcemil QIRIMOĞLUnıñ qıyın hayat mücadelesini añlatqan “MUSTAFA” filmi Türkiyede ilk kere kösterilecek.
Ukrainada 2017-de çekilgen "MUSTAFA” filmi, "2. ON5SIFIR7 Film Haftası" faaliyetleri çerçivesinde 2022s. Oraq ayı 3 (3 Temmuz) Bazar künü Beyoğlu İstiklal caddesindeki Atlas Sinemasında kösteriş içün taqdim etilecek.
Rejissörlığını Ahmed Sarykhalil, Video Rejissörlığını Vahtang Kipiani yapqan filmniñ muzıkası Yefim Çupahin imzasını taşıy. Yapımcılığını Tamila Taşeva ile ATR Televizyonı yapqan “Mustafa” vesiqalı film 1991-2013 yılları arasında QTMM Reisi olğan ve aynı devirde Ukraina Prezidentiniñ Qırımtatarlarından Mesuliyetli Vekili vazifesini becergen insan haqları aktivisti -Ukraina Milletvekili Mustafa Abdülcemil Qırımoğlunıñ qıyın hayat mücadelesini añlata.
Belli olğanı kibi Ekinci Dünya cenki yıllarında Alman İşğali altındaki Qırımda dünyağa kelgen Qırımoğlu cenkniñ bitmesinen 1944s. Quralay 18-de (18 Mayıs 1944-te) bütün halqınen beraber daha bebiy olğanda vatanından sürgün etilgen edi.
Filmde doğğanından berli hayatı hep zorluklarnen keçken Qırımoğlunıñ başta sürgün yıllarında yaşağanları, daha soñra da halqınıñ vatanına dönmesi içün bergen mücadelesi añlatıla. Bu yolda yaşağan tutuqlamalar, işkenceler, hapishane yılları ve açlıq grevleri filmniñ eñ can alıcı noqtaları olaraq közge çarpmaqta. Sovetler Birligi devrinde siyasiy faaliyetleri sebebinden Qırımoğlu üniversitetten atıldı, yedi kere qabaatlandı, on beş yıldan ziyade hapiste yattı, tarihte eñ uzun devam etken açlıq grevine (306 kün) dayandı. 2014’te Qırımnıñ Rusiye tarafından işğalini tanımadı, şiddetle qarşı çıqtı.
Belgeselde dünyanıñ farqlı bölgelerinden siyasiy muhalifler, insan haqları qoruyıcıları ve Qırımtatar Milliy Meclisi azaları ile yapılğan reportajlarğa yer berile.
Filmniñ içinde yer alğan canlandırma sahnalarında Mustafa Abdülcemil Qırımoğlunı Maksim Pasiçnık oynay.
Ukrainada 2017-de çekilgen "MUSTAFA” filmi, "2. ON5SIFIR7 Film Haftası" faaliyetleri çerçivesinde 2022s. Oraq ayı 3 (3 Temmuz) Bazar künü saat 16.00-da Beyoğlu İstiklal caddesindeki Atlas Sinemasında ücretsiz olaraq kösterilecek.
