Emel Fikir-Kültür Konferentsiyaları’nda Cengiz Dağcı Añıldı
“Emel Qırım Vaqfı“’nıñ “Fikir-Kültür Konferentsiyaları” çerçivesinde 2021s. Saban ayı 9 Salı künü saat 21.00’de internet vastasınen teşkil etilgen mahsus toplaşuvda doğğanınıñ 102.yıldönüminde Qırımtatarlarınıñ sesi, Türk Edebiyatınıñ qıymetli qalemi Cengiz Dağcı añıldı.
Añma toplaşuvında Melek Maksudoğlu, Cengiz Dağcı’nıñ Londra’da keçken yıllarını añlatırken, ortaq hatıralarını da paylaştı.
Moderatorlığını Namık Kemal Bayar yapqan toplaşuv “Emel Qırım Vaqfı“ İdare Heyetiniñ azası Nurten Bay’nıñ qonuşmasınen başladı. Cengiz Dağcı’nıñ Qırım’dan ayrılmaq mecbur olğan devirge qadarki hayat hikâyesini añlatqan Bay daha soñra Melek Maksudoğlu’nıñ qısqa tercimei-halını paylaştı.
Büyük meraq uyandırğan, “Emel Qırım Vaqfı“’nıñ facebook saifesinde canlı olaraq yayınlanğan ve tahminen yarım saat devam etken bir taqdim yapqan Melek Maksudoğlu, yazıcı Cengiz Dağcı’nıñ Londra’da keçken yıllarını slaytlar ve resimler vastasınen añlattı. Taqdim sırasında hatıralarına da yer bergen Maksudoğlu “Menim için Cengiz Dağcı qartbabam kibi edi. Özünen eñ soñ 2009’da körüşken edim. Cengiz Dağcı’nıñ cenazesini Qırım’ğa ketirmek vazifesini Türkiye Cumhuriyeti eda etken edi. Ama biraz qıyın bir protsess oldı. O zaman Qırım Ukrayna’ğa ait edi. Cengiz Dağcı, İngiltere’den hiç ayırılmağanı içün bir passportı yoq edi. İhtiyarlıq şehadetnamesi ve sağlık şehadetnamesi üzerinden bilgileri işlendi ve menim passportıma işlenerek, Qırım’ğa ketirdim. Atatürk Havalimanı’nda bir gece qaldıq. Böylece, çoq kelmege istegeni Türkiye’de bir gece qaldı... Andan Qırım’ğa ketirdik ve defn etildi. Ruhu şad olsun”, dedi.
Cengiz Dağcı añılğan mahsus programmadan soñ Emel Qırım Vaqfı facebook saifesinde Genç Tatar taqımı tarafından rejissörlığını Neşe Sarısoy Qaratay’nıñ yapqanı “Cengiz Dağcı’nın Zamanı Durdurduğu Evi” (“Cengiz Dağcı’nıñ Zamannı Toqtatqan Evi”) adlı belgeseliniñ kösterilüvi yapıldı. Büyük meraq uyandırğan belgesel kösterilüvi saat 22.05’te başladı.
Programmanı “Emel Qırım Vaqfı“nıñ YouTube saifesinde körebilesiñiz.
