Bursa’da Hayırlav Toplaşuvı
Dernegimizniñ Bursa Şubesi 2021s. Qara qış ayı 3 Bazar künü internet vastası ile bir “Hayırlav Toplaşuvı” teşkil etti.
3 yıldan berli “Qırımtatarca” derslerni alıp barğan, korona hastalığı sebebinden de bu derslerni internet üzerinden yapmağa başlağan Dernek İdaresi bu toplaşuvda Dünya Qırım Tatar Kongresi (DQTK) ve Qırım Tatar Milliy Meclis Reisi (QTMM) Refat Çubar, Qırım Dernegi Genel Başqanı Mükremin Şahin ve Diasporada ilk defa olaraq tamamınen Qırımtatarca yayın yapqan ‘’Tuvğan Til’’ İnternet Sitesiniñ rehberi Oya Deniz Çonğar'nı qarşıladı. Qırımtatarca derslerge qoşulğan dernek azaları ve Dernek İdare Heyyeti azalarınıñ işbu toplaşuvda ilk olaraq yapılğan dersler ve işlengen mevzularnen bağlı malümat berildi. Ondan soñ musafirler 3 yıldan berli soñ derece muvafaqiyetli bir şekilde alıp barılğan dersler haqqında körüşlerini ve derslerniñ daha semereli olması içün tekliflerini seslendirdiler. Tahminen 1,5 saat devam etken toplaşuvnıñ soñ qısmında musafirler iştirakçilerniñ suallerine cevap berdiler.
Bursa Şubemizniñ İdare Heyyeti ile “Qırımtatarca Dersleri”ni 3 yıl devamında soñ derece muvafaqiyetli ve semereli bir şekilde devam ettirgen sayğılı Şemsiye Satı hocamıznı hayırlap, yañı semestr derslerinde qolaylıqlar tileymiz.
