Serra Menekay Cumhuriyet “KİTAP”qa Musafir Oldı

Qırımtatar yazıcısı Serra Menekay 2021s. Kiçik ay 18-de çıqqan Cumhuriyet gazetası kitap ilâvesine söyleşüv berdi. Derginiñ qapağında yer alğan Menekay mahsusen yanı çıqqan doquzıncı kitabı “Adını Arayan Çocuk-İkinci Kitap“ (“Adını Arağan Bala - Ekinci Kitap“) haqqında malümat bergende, oquyıcılarğa daa evel yazğan kitapları haqqında da bilgi berdi.

Cumhuriyet

Asılında bir tıp doktorı olğan Menekaynıñ ilk çıqqan kitabı 1944-te halqımız yaşağan büyük sürgünlik faciasını anlatqan, horantasınıñ taqdirinen bağlı “Aluşta’dan Esen Yeller” romanı edi. Serra Menekay söyleşüvinde tarihnen bağlı romanlarınen keçmişñin yaralarına şifa olacağını tüşüngenini ayta.

Serra Menekay

İlk kitabı 2015-nci senede basılğan Serra Menekay soñ derece çalışqan ve verimli bir yazıcıdır. 5 yılda 9 kitabı çıqqan yazıcımıznıñ özüni, kitaplarını ve kitap yazma macerasını añlatqan söyleşüvinen yaqın vaqıtta saytımızda olacağını aytabilemiz.

Serra Menekay kitapları

 

 

 

 

Pin It
  • Gösterim: 548