Şefiqa Gaspralı adına Halqara Qadın Birligi Anıtqabirni Ziyaret Etti
Resmiy qurulışı 2024 yılı Arman (Avgust) ayında tamamlanğan Şefiqa Gaspralı adına Halqara Qadın Birligi, 2024 yılı İlk qış ayı 12 tarihinde Türkiye Cumhuriyetiniñ qurucısı Mustafa Kemal Atatürkniñ huzurında edi.
Şefiqa Gaspralı adına Halqara Qadın Birliginiñ yönetici ve azaları qatılğan ziyarette Ukrayina Qadınlar Birligi Reisi Leokadiya Gerasimenko ve yönetim qurulı azaları da bulundı.
Qurucı Reis Prof. Dr. Gayana Yüksel yolbaşçılığında merasim ile başlağan yürüş Atatürk mavzoleyine çember qoyulması ile devam etti.
Merasimniñ soñunda G. Yüksel tarafından Anıtqabir mahsus defterine Atatürkke hitaben aşağıda yer alğan mesaj yazıldı.
“Anadolu Türkleriniñ qurtarıcısı ve Türkiye Cumhuriyetiniñ qurucısı, büyük lider
Gazi Mustafa Kemal Atatürk,
Şefiqa Gaspralı adına Halqara Qadın Birligi olaraq huzurıñızdamız. Siziñ qurğanıñız ve temellerini qadim Türk medeniyetine oturtqanıñız zemaneviy Türkiye Cumhuriyetiniñ qadınları olaraq tamırlarımız uzanğan bütün coğrafiyalardan sizge sayğı, selâm ve hürmet ketirdik.
Siziñ Türk Tarih ve Türk Til Qurumlarını qurarken olğan maqsadıñıznı ve bizge işaret etkenleriñizni añlayaraq, Şefiqa Gaspralı adına Halqara Qadın Birligini qurdıq.
Dernegimizge ilk Türk qadın milletvekili Şefiqa Gaspralınıñ adını berirken istedik ki; 1917 yılında Qırım Ahaliy Cumhuriyetinde Milletvekili ve Meclis Reisi Vekili seçilgen degerli bir Türk aydını olğan Şefiqa Gaspralı yolumızğa ışıq olsun.
İstedik ki, biz de o ışıq ile aydınlanğan yolda tamırlarımızdan ğıdalanaraq öseyik ve qollarımıznı ihtiyac duyğan bütün Dünya qadınlarına uzatayıq. İstedik ki, Türk qadınları olaraq dünyadaki bütün mazlum qadınlarğa biz el berebileyik.
İstedik ki, bizler de tıpqı siziñ bir asır evel yapqanıñız kibi imperializmge qarşı her daim mazlumlarnıñ yanında turabileyik ve bunıñ lideri olacaq bir dernek olabileyik.
İstedik ki, Sizni anlağanımıznı biliñiz ve ruhuñız şad olsun.”
Qırımtatar qadınları başta olmaq üzere Türk Dünyası qadınlarınıñ haqlarınıñ, meseleleriniñ ve talaplarınıñ Birleşken Milletler ve Avropa Birliginiñ qadın platformları da dahil halqara resmiy, yarıresmiy ve sivil tedbirlerde qorçalanması ve seslendirilmesi ğayesinen qurulğan Şefiqa Gaspralı adına Halqara Qadın Birliginiñ Açılış programmı da 2024 senesi İlk qış ayı 13-ü tarihinde yapılacaq.
Qurulış ğayesine uyğun işler ve eserlerde yol tutacağına emin olğanımız Şefiqa Gaspralı adına Halqara Qadın Birligi Dernegine muvafaqiyetler tileymiz.
