“Poloniya-Litvaniya Birligi ve Qırımtatarları” Tedbiri Kerçekleştirildi
Umumiy Merkezimiz ile Litvaniya ve Poloniya Büyükelçilikleri işbirliginde teşkil etilgen “Poloniya-Litvaniya Birligi ve Qırımtatarları, tarih ve medeniyette ortaq saifeler” tedbiri 2024 senesi İlk qış ayı 11 tarihinde Ankarada Umumiy Merkez binamızda kerçekleştirildi.
Tedbir çerçivesinde Poloniya ve Litvaniya Tatarlarını añlatqan fotograf sergisi ile bu toplulıqlarğa ait kitap tanıtımlarından tizilgen bir panel teşkil etildi.
Tedbirge TBMM İnsan Haqlarını İnceleme Komissiyasınıñ reisi, Aile ve Sosial Hızmetler eski Naziri Derya Yanık, Poloniyanıñ Ankara Büyükelçisi Maciej Lang, Litvaniyanıñ Ankara Büyükelçisi Ricardas Degutis, Ukrayina Ankara Büyükelçiliği Maslahatgüzarı Oleksiy Çernışev, Umumiy Reisimiz Mükremin Şahin, Qırım Vaqfı Reisi Tuncer Qalqay, Dünya Qırımtatar Kongressi (DQTK) Umumiy Kâtibi Advokat Namıq Kemal Bayar, Qırımtatar Milliy Meclisi (QTMM) azası ve Şefiqa Gaspralı adına Qadın Birliginiñ Reisi Gayana Yüksel, Qırım İnkişaf Vaqfı Reisi Ümit Şilit, Halqara Türk Medeniyet Teşkilatı (TÜRKSOY) Strateji İnkişaf Dairesiniñ Reisi Melik Özsöz ile çoq sayıda insan iştirak etti.
Panelden evel Dr. Ahmed İhsan Qırımlı Sosial Tesisimizde yer alğan “Cıyın” ansambli salonındaki fotograf sergisiniñ açılışı yapıldı.
“Litvaniya Tatarları: Tarih ve Medeniyet” ile “Tatar Ananeleri ve Zemanesi: Poloniya Müslümanları” adlarını taşığan fotograflardan oluşqan fotograf sergileri meraq ile taqip etildi.
Fotograf sergileriniñ açılışından soñ Dr. Ahmed İhsan Qırımlı Sosial Tesisimizdeki Bekir Sıdqiy Çobanzade Kütüphanesindeki “Poloniya-Litvaniya Birligi ve Qırımtatarları, Tarih ve Medeniyette Ortaq Saifeler” paneline keçildi.
Panelniñ Türkçe taqdimleri Oya Deniz Çongar Şahin tarafından, İngilizce taqdimleri Namıq Kemal Bayar tarafından yapıldı.
Panelniñ açış qonuşmasını yapqan Umumiy Reisimiz Mükremin Şahin, “Bugün Litvaniya ve Poloniyada yüzyıllarca yaşağan Tatarlar tanıtılacaq bir programmda sizlerle birlikte olmaqtan bahtlımız. Ortaq tarihimiz bizlerniñ yolunı her zaman birleştirgendir. Trakayda doğğan Hacı Geraydan bugüne biri-birimiznen olğan bağımız hiç bir zaman kesilmedi. 20-inci yüzyılda ise Litvaniya ve Poloniyadan pek çoq Tatarnıñ Qırımtatar halqı ile omuz-omuzğa ortaq kelecegimiz içün mücadele etkenine şahatmız. Litvaniya ve Poloniyada yaşağan Tatarlar bu ülkelerniñ yahşı, çalışqan ve ihtibarlı vatandaşları olğanlardır. Bizler olarnen her zaman ğurur duyamız. Sizlerni bugün dernegimizde misafir etmek bizlerge şeref bere. Türkiye ile Poloniya ve Litvaniyanıñ dostluğınıñ inkişaf etmesinde köpür olmaq Türkiyede yaşamaqta olğan biz, Qırımtatarları, içün bir vazifedir. Bugün mında bizimle olğanıñız içün sizlerge tekrar teşekkür etemiz” ifadelerini qullandı.
Ukrayina Büyükelçiligi Maslahatgüzarı Oleksiy Çernışev selâmlama qonuşmasında, “Qırımtatar halqınıñ qahraman temsilcilerini sayğı ile añamız. Bu halq, hem cephede, hem de cephe kerisinde Ukrayinanıñ mustaqilligi içün mücadele etkendir” ifadelerini qullanaraq Qırımtatarlarınıñ, Ukrayina, Poloniya, Litvaniya ve Türkiyeniñ inkişafına hisse qoşqanlarını bildirdi.
Poloniyanıñ Ankara Büyükelçisi Maciej Lang, teşkil etilgen panelniñ Poloniya, Litvaniya ve Türkiye arasındaki dostluq bağlarını küçlendirgen mühim bir adım olğanını bildirdi. Ortaq tarih ve medeniyet bağlamında qurulğan bağlantılarnıñ, ülkeler arasındaki münasebetlerni inkişaf ettirgenine diqqat çekti.
Litvaniyanıñ Ankara Büyükelçisi Ricardas Degutis ise Litvaniyadaki Tatar toplulığınıñ tarihini ve medeniyetini saqlap qalğanına diqqat çekerek, Tatarlarnıñ, Litvaniya toplumınıñ sayğı duyulğan bir parçası olğanını ifade etti.
Panelde, Litvaniya Mikola Rumeris Üniversitetiniñ hocası Prof. Dr. Adas Jakubauskas ile radio muhabiri, jurnalist ve rejissö Bartosz Panek qonuşmacı olaraq yer aldı.
Radio muhabiri, jurnalist ve rejissör Bartosz Panek Poloniya Tatarları haqqında 2020 yılında Lehçe hazırlağan kitabı ile bağlı meraqlı bilgiler berdi.
Daha evel Litvanca basılğan ve “Tarih ve Medeniyette Litvaniya Tatarları” adı ile Türkçege tercimesi yapılğan ve basımı kerçekleştirilerek panel kününe yetiştirilgen kitapnıñ tanıtımı, yazıcıları arasında yer alğan Prof. Dr. Adas Jakubauskas tarafından yapıldı. Jakubauskas, kitapnıñ Türkçe basımındaki hissesi içün Namıq Kemal Bayar şahsında emegi keçkenlerge teşekkür etti.
Namıq Kemal Bayar da Türkçe basımda emegi keçken Prof. Dr. Gürhan Kırilen ile Doç. Dr. Işılay Savanı sahnağa davet eterek, teşekkürlerini bildirdi.
Panelniñ soñunda “Tarih ve Medeniyette Litvaniya Tatarları” kitabı yazıcıları arasında olğan Prof. Dr. Adas Jakubauskas iştirakçilerge imzalanaraq taqdim etildi.
