Qırımtatar Yırlarında Sürgün ve Muhaceret
“Emel Qırım Vaqfı“’nıñ “Fikir-Kültür Konferentsiyaları” çerçivesinde 2021s. Saban ayı 28-inde Bazar künü saat 17.00’de internet vastasınen teşkil etilgen toplaşuvnıñ başlığı “Qırımtatar Yırlarında Sürgün ve Muhaceret” edi.
Konferentsiyanıñ qonuşmacısı Feridehanum Şahin edi.
Av. Namık Kemal Bayar’nıñ moderatorlığındaki tedbirniñ açılış qonuşmasını “Emel Qırım Vaqfı“ idare heyetiniñ azası Cevdet Tahiroğlu yaptı.
Hacettepe Üniversiteti’nde doktora namzeti olğan Şahin, “Sözlü Gelenekte Qırımtatar Türkleriniñ Muhacereti ve Sürgünler” ( 2016s. Gazi Üniversiteti Sotsial Bilimler İnstitutı, Türk Dili ve Edebiyatı Bölümi, Halq Edebiyatı Bilim Dalı) adlı yüksek lisans dissertatsiyasını iştirakçilerge taqdim etti.
1944s. Quralay 18 (18 Mayıs 1944) sürgünligi başta olaraq, Qırımtatar halqı yaşağan sürgünlik ve muhaceretlerniñ medeniyetine tesirini slaytlarnen beraberlikte yırlardan numüneler ile iştirakçilerge diñletken Feridehanum Şahin yırlarda keçken sözlerniñ manalarını da birer-birer añlattı.
Büyük meraqnen taqip etilgen toplaşuvda iştirak etkenler yırlarnı diñlegen vaqıtta pek tesirlengenlerini bildirdiler. Konferentsiya “Aluşta’dan Esken Yeller” yırınıñ videosınen yekünlendi.
Konferentsiyanıñ video qaydını “Emel Qırım Vaqfı”’nıñ facebook saifesinde körebilesiñiz.
