Qırımtatar Sportçısı Lenur Temirov
Olimpiya Oyunlarında Ukrainanı Temsil Etecek
Qırımtatar sportçısı Lenur Temirov avgust 1-den 7-sine qadar Tokio şeerinde keçirilecek Olimpiya oyunları 2020-de Ukraina cıyma taqımı erkânında iştirak etecek.
Oyunlarğa ketmezden evel sportçı qırımtatarlarnıñ lideri Mustafa Cemilev ve Meclis reisi Refat Çubarov ile körüşti.
Körüşüvde Lenur Temirovnıñ idmancısı İsmet Saliyev de bulundı. "Biz öz ülkemizni munasip şekilde temsil etmelimiz. Bu oyunlarğa biz bir qaç yıl azırlıq kördik. Ve niayet davet saibi oldıq. Bütün Qırım ve bütün Ukraina biz ile beraber olğanını bilemiz", - dedi Lenur Temirov.
Sabıq siyasiy mahbüs ve faal İsmail Ramazanov sportçığa altın tamğalı qırımtatar milliy bayrağını bağışladı.
Bu bayraqtaki tamğa — nağışçı Elmira Katakiniñ el işidir.
Elvira Ablâziz / Kiev
