Dünya Çempionatında
Ukrainanı Eki Qırımtatarı Temsil Etecek
Ukrainanıñ yunan-rum küreşi boyunca cıyma taqımı Budapeştke U-18 Dünya çempionatına keldi. Yarışta eki qırımtatar küreşçisi İrfan Mirzoyev ve Edem Ğaziyev Ukrainanı temsil eteler. Qırım Muhtar Cumhuriyeti Sport küreşi Federatsiyası başınıñ birinci muavini İmran Üseinovnıñ bildirgenine köre, ilk sefer bir kereden eki qırımtatarı ülkemizden Dünya çempionatında iştirak etecekler. Öz şegirtleriniñ yutuqlarından idmancı Edem Saliyev de memnün. "Dünya çempionatında iştirak etecek ülke cıyma taqımına bir kereden eki qırımtatarı birinci kere kirsetildi" , - dep paylaştı sevinçinen qırımlı küreşçilerniñ ustazı. Keçenlerde Ukraina cıyma taqımı idmancı Dmitriy Şevçuk reberliginde Mkaçevo şeerinde azırlıq toplantısını keçirdi.
Elvira Ablâziz / Kiev
