Prof.Dr.Haqan Qırımlı
Qırım Araştırmaları Ağında Qonuşmacı Oldu
Qırım Araştırmaları Ağınıñ kitap qonışuvları toplaşuvında 2022s. İlk yaz ayınıñ 15-inde (15 Haziran) Prof.Dr.Haqan Qırımlı qonuşmacı oldu.
Qırım, Qaradeñiz, Şarqiy Avropa, Qıpçaq çölü ve bu yerlernen bağlı ilmiy çalışmalar yürsetken kişiler arasında haberleşüvni ve qoltutuvnı keliştirmek içün qurulğan Qırım Araştırmaları Ağınıñ Qırım Qonuşuvları Tizüviniñ İlk yaz ayında keçirilgen toplaşuvında Prof.Dr.Haqan Qırımlı’nıñ “Geraylar ve Osmanlılar” kitabı aqqında suhbet oldı . İnternet vastasınen zoom platformasında canlı ötkerilgen toplaşuv Qırım Araştırmaları Ağınıñ You Tube kanalında da canlı yayınlandı.
Programda bu yıl Ötüken Neşriyatı tarafından basılğan kitap çerçivesinde Geray Hanedânınıñ Osmanlı devleti ile olğan tarihiy ve medeniy bağları, Qırım Hanlığınıñ qurulğanından başlap 1783 senesi Rusiyeniñ Qırımnı işğaline qadar olğan vaqıtta Hanlığı idare etken Geray sülalesi aqqında söz yürsetildi.
6Toplaşuv qoşulğanlarnıñ bergen suallerinen sual-cevap formatında keçti.
Qırım Araştırmaları Ağınıñ bu toplaşuvına Türkiyeden, Romaniyadan ve Lehistandan alimler ve diger kişiler qoşuldı. Canlı ötkerilgen toplaşuvnı ağnıñ YouTube kanalında https://youtu.be/JjqLVime4-8 adresinde baqmaq ve eşitmek mümkündir.
