Litvaniyada Tatar Aqşamı
Litvaniyanıñ Trakay şeherinde Tatar Medeniyet Dernegi tarafından teşkil etilgen yaz kampı 2024 senesi Oraq ayınıñ 24-de parlaq bir şeñliknen soñuna irdi.
10 kün boyunca alanında mütehassıs hocalar tarafından ders alğan balalar hazırlağan kösterüv seyircilerni hayrette qaldırdı.
Aileler büyük meraq köstergen konsert bütün gruppa icra etken "Ey Güzel Qırım" yırı ile başladı. Daha soñra gruppanıñ eñ küçük iştirakçileri qartanalardan oluşqan hornen beraber "Qalaylı Qazan" adlı yırnı hem yırladılar, hem de neşeli bir oyunnen salonnı coşturdılar.
Bir senariy çerçivesinde oluştırılğan ve Tatar Qına Aqşamı canlandırılğan kösterüv qartanalar "Qınalıda Parmaqlarıñ" yırını icra etmekle, genç qızlar da qına merasimini canlandırğan sahnalaştırma ile devam etti.
Bundan soñra bütün gruppa "Sıra Sıra Cezveler" yırını yırlarken, genç qızlar oyunlar icra etip, qahve qoyuluvını canlandırdılar.
Aman-aman bundan soñ Senyora (qartanalar) horu "Ağlama Kelin" yırını yırlarken, kelinniñ arqadaşları tarafından toyğa hazırlıqnı sahnası canlandırıldı.
"Quşaqlı Qız" yırından soñ senyoralar sahnadan ayırıldı. Senaryige köre Türkiyeden kelgen kiyevniñ Tatar qızı ile evlengeni kösterüvde "Tıraş Havası" da unutılmadı.
Bundan soñ gençler numayış etken "Seymen" oyunları büyük alğış aldı. Cemila Şutskite yañı ögrenerek seyircilerge taqdim etken "Tım-Tım" kerçekten körülmege deger edi.
Gruppanıñ bütün gençleri icra etken "Çayır Çimen Geze Geze" türküsinden soñ bu kez "Harmandalı ve Kerimoğlu Zeybeği" seyircinilerniñ diqqatına taqdim etildi.
Senyoralar icra etken Qazantatar yırı "Utır Ale Yannarıma" ise büyük seyirciler tarafından hoş qabul etildi.
Konsert bütün gençler oynağan "Ağır Ava ve Qaytarma" ile soñuna keldi. Konsert "Bugün Bayram" yırı ile kelin ve kiyevni canlandırğan gençlerniñ oyunı ile yekünlendi.
Konsert bitken soñ Tatar Medeniyet Derneginiñ Reisi Almira Parmaqsızoğlu geceniñ mimarları “Cıyın” ansambliniñ oyun hocası Evelina Kemileva, İlker Teker, Kemal Kamalı ve Liutsuzas Milišauskas ile konsertte senyoralar ile sahnada yer alğan “Tuvğan Til” internet saytınıñ koordinatorı Oya Deniz Çongarğa teşekkür eterek, birer iştirakçi belgesi taqdimetti. Soñra bütün gençlerge birer iştirakçi belgesi berildi. Toplu fotograf yapılğan soñ da ailelernen beraber kampqa qaytıp beraber aqşam yemegi yapıldı ve hayırlav yapıldı.
