Şefiqa Gaspralı Halqara Qadın Birligi Quruldı
Daha evel alanında çeşit türlü faaliyetler alıp barğan Şefiqa Gaspralı Qadın Teşebbüsi, Şefiqa Gaspralı Halqara Qadın Birligi ismi ile yañıdan teşkilatlanaraq sivil toplum qurulışı (STQ) olaraq quruldı.
2024 senesi Arman ayınıñ 24 tarihinde kerçekleştirilgen, Şefiqa Gaspralı Halqara Qadın Birligi Dernegi qurucı azalarınıñ ilk resmiy toplaşuvında Prof. Dr. Gayana Yüksel, Oya Deniz Çongar Şahin, Saadet Aslan Bayar, Ülkü Aksel, Pınar Ayhan, Dr.Serra Menekay Öncel, Evelina Kemileva, Dr.Nariye Seydametova, Gönül Şamilqızı, Prof.Dr. Zühal Yüksel ve Necla Qalqaydan oluşqan Şefiqa Gaspralı Halqara Qadın Birliginiñ 11 qurucı azası hazır bulundı.
Toplaşuvda başqanlığına, QTMM azası, İstanbul Üniversiteti ve Tavriya Milliy Üniversiteti hocası Prof. Dr. Gayana Yüksel seçildi.
Dernekniñ Qurucı Yönetim Qurulı da şu şekilde oluştırıldı:
Başqan : Prof.Dr.Gayana Yüksel
Başqan Yardımcısı : Oya Deniz Çongar Şahin
Kâtip : Ülkü Aksel
Muhasebeci : Saadet Aslan Bayar
Aza : Pınar Ayhan
Aza : Dr.Serra Menekay Öncel
Aza : Gönül Şamilqızı
Aza : Prof.Dr.Zühal Yüksel
Aza : Evelina Kemileva
Aza : Necla Qalqay
Aza : Dr.Nariye Seydametova
2016 yılınıñ Mayıs ayında Qırım Dernegi Umumiy Merkezi tekibinde Qırım Derneginiñ Baş Reisi Mükremin Şahinniñ teklifi ile Dilşad Ekinci Uludağ, Saadet Aslan Bayar, Asuman Özel, Oya Deniz Çongar Şahin, Gülnur Ağıral, Necla Qalqay, Nilay Aqtaran ve Ülkü Aksel tarafından qurulğan Şefiqa Gaspralı Qadın Teşebbüsi çalışmalarına artıq "Şefiqa Gaspralı Halqara Qadın Birligi" adı ile mustaqil bir sivil toplum qurulışı olaraq devam etecek.
Resmiy evraqlarını 2024 senesi Arman ayınıñ 20-sinde Salı künü tamamlağan qurulış faaliyetlerini bundan böyle "Şefiqa Gaspralı Halqara Qadın Birligi" adı ile devam etecek.
Şefiqa Gaspıralı Halqara Qadın Birligi Türk dünyası qadınlarınıñ sosyal, medeniy ve tahsil inkişafında yetekçi bir küç olmağa niyetlene. Farqlı medeniyetlerden ve milletlerden qadınlarnı birleştirerek qırımtatar mirasından ğayrı qadın haqlarınıñ ve toplumda eşitligi qorunaraq yayğınlaştırılması içün ortaq çalışma platforması oluştırmağa maqsat qoya. Tamırları ne olsa olsun, her qadınnıñ imkânlarını ortağa çıqararaq adil ve teñ bir toplum inşa etme süreçine qatqıda bulunma fursatına sahip olğanı bir dünya hayal ete.
Şefiqa Gaspralı Halqara Qadın Birliginiñ missiyası qadınlarnı bilgi, qaynaq ve özüni kerçekleştirme fursatları ile destekleyerek inkişafına qatqıda bulunmaqtır. Birlik aynı zamanda qırımtatar medeniyeti ve tarihi haqqında bilgilerni arttırmaqnı, qadın haqlarını qorumaqnı, dialog ve işbirligi içün platformalar oluştırmaqnı, toplumnıñ teñlik, hoş baqış ve qarşılıqlı añlayış temelinde inkişafına hisse qoşacaq medeniy deñişimni teşviq etmekni maqsat ete.
Dernek, Türk Qadın Aydınlanmasınıñ ehemiyetli liderlerinden biri olğan Şefiqa Gaspralınıñ hayatı, işleri ve faaliyetini örnek alaraq Türk ve dünya qadınlarına Şefiqa Gaspralınıñ mirası baqımından sosyal, medeniy ve sosyo-ekonomik alanlar başta olmaq üzere insan hayatınıñ her alanında destek olmaq, qadınlarnı aydınlatıcı, temsil qabiliyetlerini arttırıcı faaliyet alıp barmaq, qadınlar arasında yardımlaşma ve tayanmanı arttırmaq maqsadı ile qurulğandır.
Türk dünyasınıñ ehemiyetli bir parçası olğan Qırımnıñ Bağçasaray şeherinde doğğan Şefiqa Gaspalı, Türk qadın aydınlanmasınıñ başında kelgen bir adı olaraa qadınlarnıñ tahsili ile iş, sanat, sanayı, ticaret ve siyasiy alanda daha çoq temsil etilmeleri içün işler yapqan. Şefiqa Gaspralı, 1917 yılında Qırımda yapılğan qadınlarnıñ saylama ve saylanma haqqına sahip olğanı Qırım Halq Cumhuriyeti saylavlarında 5 qadın milletvekilinden biri olaraq Qırımtatar Milliy Qurultayına saylanğan ve bu parlamentniñ sesleri ile tarihteki ilk qadın parlament başqan vekili olğandır. Onıñ hayatı Türk ve dünya qadınları içün misilsiz bir örnektir.
Qırımtatar qadınları her zaman siyasiy, ilmiy ve sosyal alanlarda aktiv olğanlar. Qırımtatar halqınıñ yarısını qadınlar teşkil ete ve bu qadınlar, ailelerini, evlerini, balalarını baqaraq, aynı zamanda cemaat vazifelerini de yerine ketirerek, ehemiyetli neticelerge yeteler.
Başlanğıçta bir teşebbüs gruppası olaraq qurulğan Şefiqa Gaspralı Qadın Teşebbüsi yapqan faaliyetlerde Qırım Derneginiñ Umumiy Merkezi işlerine qoşulğan bütün hanımlar hususan da "Cıyın Ansambli" nde iştirak etken balalarnıñ anaları tabiiy tarzda birer aza olaraq işlerge destek bergenlerdir. Bu hanımlar, elbette, artıq qadın birliginiñ de birer azası sayılacaqlardır. Tek farq ise şekil deñiştirgen ve mustaqil dernek olaraq çalışacaq gruppağa azalıqlarını resmiy formalar ile qayıt şeklinde kerçekleştirilmesi olacaqtır.
