Kiyevde  Üsein Bekirovnıñ Caz Süitası Tanıtıldı

 

Kiyevde  qırımtatar ve ukrain bestekârı Üsein Bekirovnıñ telli aletler içün yazğan caz süitasınıñ taqdimi oldı.  Tedbir  Kiyev Muzıka Premyeraları Halqara festival çerçivesinde keçirildi. 

199184485 211694110800909 8508241326078335934 n

Bestekârnıñ bildirgenine köre, bu muzıkanı yazuvda  qırımtatar motivlerini işletken. " Eserimde qırımtatar folklorı, bizim ava ve nağmelerimizden faydalandım. Aynı zamanda onda zemaneviy muzıka ve caz da bar. Böyle usulnen medeniyetimizni tanıtmaq niyetindem. Medeniyetimizni teşviq etmege isteyim. Eksperimentlerni sevem ve daima eserlerime qırımtatar avasınıñ renkini qatmağa tırışam", -dedi Üsein Bekirov. 

200906839 167667015344809 3098425832866634389 n 1

Kerçekten de, Ukraina ve yurt tışında endi nam qazanğan bestekârnıñ epsi eserlerinde mıtlaqa qırımtatar nağmeleri sezilmekte.

                                                                                                                                                                                   Elvira Ablâziz / Kiev

 

 

 

Pin It
  • Gösterim: 177