Kiçik aynıñ 26-sında Qırım Üzerinden Ukraina Bayrağı Uçacaq
İşğalge muqavemet künü işğal etilgen Qırım üzerinden Ukraina bayrağı uçacaq. Bu aqta "Tuvğan Til"ge faal, sabıq siyasiy mahbüs İsmail Ramazanov bildirdi. O, Ruslan Gutsul ile şimdilik bayraqnı Kievde Qırım evinde saqlamaqta.
Bayraqnıñ uzunlığı 25 metr. Kievniñ sakinleri ve musafirleri bayraq üzerine öz isteklerini yazabilirler. Soñra bayraq kökke köterilecek.
"Bu sefer biz kiçik aynıñ 26-sında "İşğalge muqavemet künü" istek ve arzular yazılğan bayraqnı Qırım kökünde uçuracaqmız. Aktsiya iştirakçilerinden biri, Natalya Lütikova arqadaşlarıñız, balalarıñıznı alıñız, qalemni de unutmañız ve tez keliñiz", - degen çağıruvda bulundı.
Muqavemet kününden bir qaç kün evel bayraq işğal etilgen topraqlar sıñırına yaqınga alıp barılacaq. Belgilengen künü ise Qırım köküne uçurılacaq.
Elvira Ablâziz / Kiev
