"Cıyın Ansambli”
24-ünci Halqara Anadolu Medeniyet Künleri ve Sanat Festivaline
İştirak Etti
Ankarada Etimesgut Belediyesi tarafından 24-ünci kere teşkil etilgen “Halqara Anadolu Künleri Medeniyet ve Sanat Festivali”ne iştirak etti.
Etimesguttaki Türk Beyleri Kent Meydanında keçirilgen festivalge halqnıñ merağı büyük edi. Türkiyeniñ pek çoq illerinden ile Türk Dünyasından medeniyetleriniñ tanıtılması maqsadınen hazırlanğan stendler taqdim etildi. Qırım içün ayırılğan bölüm de Etimesgut Qırımtatarları Medeniyet ve Yardımlaşma Dernegi tarafından hazırlandı.
Festival devam etken 10 kün vaqtında her gece qatılğan iller ve Türk dünyasınıñ temsilcileri özlerine ayırılğan künlerde sahna alaraq bölgeleriniñ medeniyet hususiyetlerini oyun ve muzıka yardımınen tanıtmaq fırsatını da taptılar. Bu yıl Arman (Ağustos) ayı 31-niñ gecesi Kırşehir, Kahramanmaraş ve Qırım içün belgilengen edi.
Çoq sayıda milletvekilleri ve STK (İçtimaiy Toplulıqlar Qurulışı) temsilcileriniñ hazır bulunğanı, halqnıñ her zaman olğanı kibi büyük meraq köstergeni gecede Qırım Derneginiñ “Cıyın Ansambli” hocaları Evelina Kemileva idaresinde sahnağa çıqıp, Qırım halq oyunlarından örnekler numayış ettiler. Qırımtatar Oyun ve Muzıka Toplulığı "Cıyın Ansambli” kösterişinen izlegenlerge keyfli añlar yaşattı.
Etimesgut Belediye Başqanı Enver Demirel ev sahipligi yapqan festivalniñ 2022 senesi Arman ayı (Ağustos) 31-inde Çarşenbe künü teşkil etilgen “Qırım Gecesi”niñ bir diger teşkilâtçısı Etimesgut Qırımtatarları Medeniyet ve Yardımlaşma Derneginiñ Reisi İbrahim Keskin edi. Gecede musafir olaraq Qırım dernegi Umumiy Reisi Mükremin Şahin ile Qırım Gelişim Vaqufınıñ Reisi ve Qırımtatar Teşkilâtları Platformasınıñ Koordinatorı Ümit Şilit de yer aldılar.
Kırşehirli Dernekler Federatsiyası Halq Oyunları Taqımı ve Kırşehir Abdallar Toplulığından soñ sahnağa çıqqan “Cıyın Ansambli” hocaları Evelina Kemileva taqım içün mahsus hazırlağan qırımtatar halq oyunlarından saylanğan örnekleri ile büyük alğışlar topladı.
Hususan da böyle büyük bir kösterişte ilk kere sahna alğan ve öz aralarında orta gruppa olaraq adlandırğanları keçken yılnıñ küçük gruppası halqnıñ alğışlarınen yüksek seviyesini isbat etti.
Etimesgut Qırımtatar Medeniyet ve Yardımlaşma Derneginiñ Reisi İbrahim Keskin ile Etimesgut Belediye Başqanı Enver Demirelniñ yapqan qonuşmalarından soñ Qırım Dernegi Umumiy Reisi Mükremin Şahin ile Qırım Gelişim Vaqufınıñ Reisi ve Qırımtatar Teşkilâtları Platformasınıñ Koordinatorı Ümit Şilit Sayğılı Demirelge Qırımnı anlatqan çeşit türlü hediyeler bağışladılar.
