“Bir Zamanlar Dobruca” Adlı Kitabınıñ Tanıtım Programması
Qırım Vaqfı, Yurtdışı Türkler ve Aqraba Toplulıqları Başqanlığı (YTB) ile birlikte “Bir Zamanlar Dobruca” adlı kitabınıñ tanıtım programması ve fotograf sergisi açılış kokteyli teşkil etildi. 2 Qasım (Boş ay) 2024 tarihinde yapılğan toplaşuvda çoq sayıda davetli iştiak etti.
Qırım Vaqfınıñ “Tarih ve Kültür Konferansları”nıñ çerçivesinde yapılğan bu toplaşuvda YTB tarafından yayınlanğan ve Dr. Filiz Tutku Aydın Bezikoğlu, Dr. Metin Ömer ile Doktora namzeti Edige Burak Atmaca tarafından hazırlanğan “Bir Zamanlar Dobruca – İki Dünya Savaşı Arasında Kırım Tatarları ” (“Bir Zamanlar Dobruca – Eki Dünya Savaşı Arasında Qırım Tatarları”) adlı kitap tanıtılırken, qullanılğan fotograflardan ibaret olğan bir de sergi teşkil etildi.
Kitapnıñ yazıcılarından Bezikoğlu sergi daha evel Romaniyanıñ Köstence şeherinde yapılğanını, Qırım Vaqfınıñ teşebbüsi ile Türkiyede de teşkil etilgenini ayttı. Bezikoğlu, sergideki fotograflarnıñ ise Qırım Milliy Merkeziy Arhivi sayesinde künümüzge qadar kelgenini ve şahsiy arhivlerden alınmaları sebebinden ilk defa kün yüzüne çıqqanını ifade etti.
Bezikoğlu, kitapnıñ meydanğa çıqmasında pek mühim bir yeri olğan bu fotograflarnı özlerine bergen Ünsal Aqtaşqa teşekkürlerini bildirdi.
Fotograf sergisiniñ qatılımcılar tarafından seyir etilmesinden ve kokteylden soñ tanıtım programmasına keçildi. Protokol qonuşmalardan soñ Dr. Filiz Tutku Aydın Bezikoğlunıñ añlatımı ile kitapnıñ tanıtımı yapıldı.
Dobruca bir zamanları küçük Tataristan, Küçük Qırım olaraq añılğanını qayd etken Bezikoğlu bölgeniñ Qırımtatar medeniyetiniñ künümüzge qadar sürmesinde ve aqtarılmasında pek mühim bir yeri olduğunu ifade etti.
Bezikoğlu, Dobrucanıñ Türkiyede yaşağan Qırımtatarlarınıñ medeniy kimliklerini ve barlıqlarını qorumalarınıñ bir yolu olğanını da bildirdi. “Dobruca bizni Qırımğa bağlağan bir bağ” ifadelerini qullanğan Bezikoğlu, Dobruca vastasınen Qırımtatar medeniyetiniñ Türkiyege ketirilgenini qayd etti.
