Ankarada Qırımtatar Medeniyeti Künleri Devam Ete

27 - 30 Nisan 2023 künleri arasında Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” niñ ekinci künü türlü medeniy tedbirler ile devam etti.

28 Nisan 2023 kününiñ birinci suhbeti Doç. Dr. Işılay Işıqtaş Savanıñ belli qırımtatar şairleri Memet Nüzet ve Şakir Selimniñ şiiriyetine bağışlanğan kitaplarınıñ tanıtımına bağışlanğan edi.

Işılay 2

Bundan soñra Prof. Dr. Haqan Qırımlı “Qırımtatar yemek tarihi” çıqışında qırımtatar aşlarınıñ ve yemek kulturasını añlattı.

Qırımtatar medeniyetiniñ ekinci kününiñ aqşamını belli qırımtatar yırcısı Rüstem Memet qırırmtatar halq yırları ile yaraştırdı.

Medeniyet künleri çerçivesinde qırımtatar halq sanatları ustalarınıñ sergisi de çalışmağa devam ete. Sergide keramika eserleri, qırımtatar halq nağışlarınıñ örnekleri, qırımtatar ressamlarınıñ eserleri, ebru, tezhip, quyumcılıq işleri taqdim etilmekte.

30 Nisan kününe qadar devam etecek bu güzel ve meraqlı tedbirge qatılmañıznı bekleymiz.

Doç. Dr. Işılay Işıqtaş Savanıñ
               “Qırımtatar şairi Şakir Selimniñ Şiirleri” ve “Qırımnıñ Çöl hayatından” kitaplarınıñ tanıtımı

27 -30 Nisan 2023 künleri arasında Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” çerçivesinde 28 Nisan künü Hacı Bayram Veli Üniversitetiniñ hocası Doç. Dr. Işılay Işıqtaş Savanıñ neşir etken eki kitabınıñ tanıtımı olıp keçti.

19-ıncı asırnıñ soñu ve 20-nci asırnıñ başlarındaki qırımtatar edebiyatınıñ körümli şairlerinden Memet Nüzetniñ “Qırımnıñ Çöl Ayatından” adlı kitabınıñ içindeki şiirlerini latin hariflerine transkriptsiyası, Türkiye Türkçesine tercimesi ve incelenmesini qaplap alğan bir şekilde Dr. Işılay Işıktaş Savanıñ ğayretli çalışmaları neticesinde “Kırım’ın Çöl Hayatından” (“Qırımnıñ Çöl Ayatından”) adı ile 2022 senesi Türkiyede neşir etildi. Kitapnı tanıtırken, Işılay Sava Memet Nüzetniñ şiirlerinden örnekler ketirdi, qırımtatar medeniy hayatınıñ, adetleriniñ şiirlerinde aks olunğanına diqqat çekti. Belli qırımtatar yırcısı Rüstem Memet de Memet Nüzetniñ “Noğaynıñ adağı” adlı şiirini büyük ustalıq ile oqup, diñleyicilerniñ göñlüni aldı.

Işılay Rüstem Memed

Zemaneviy qırımtatar şiiriyetiniñ meşhur şairi Şakir Selimniñ icadınıñ icincelemesini temel alğan eserde ise Doç. Dr. Işılay Işıqtaş Sava  şairniñ hayatı ve yaşağan devri haqqında bilgilerge yer berdi, şairniñ qırımtatar edebiyatındaki yerini ve şiirleriniñ mevzuatını, mündericesini de degerlendirdi. Şakir Selimniñ türlü kitaplarında neşir olunğan 347 şiiri kiril hariflerinden latin hariflerine çevrilgen ve Türkiye Türkçesine tercime etilgendir.

Zemaneviy qırımtatar edebiyatınıñ pek ehemiyetli eki şairiniñ icadı incelengen bu eserlerni hazırlağan Dr. Işılay Işıktaş Savağa taqdirlerimizni ve teşekkürlerimizni bildremiz.

Prof. Dr. Haqan Qırımlıdan qırımtatar yemekleriniñ tarihi

Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” çerçivesinde 28 Nisan künü Prof. Dr. Haqan Qırımlı “Qırımtatar yemek tarihi” çıqışında qırımtatar aşlarınıñ ve yemek kulturasını añlattı.

Hakan Deniz

Kimmerler, tavrlar, sarmatlar, iskitler, hunnlar kibi qabilelerniñ, eski yunan, rum, türkiy medeniyetlerini qavrap alğan ve özgün bir medeniyetni şekillendirgen qırımtatar halqınıñ zengin yemek çeşitleri ve tarihiy süreçte yemek kulturasınıñ deñişip kelgeni, ananeviy olaraq qullanılğan yemek mahsulları, olarnı saqlav ve pişirüv usulları haqqında keniş malümat bedi. Prof. Dr. Haqan Qırımlınıñ çıqışı diñleyiciler tarafından büyük meraqnen qarşılandı.

Belli qırımtatar yırcısı Rüstem Memet ile halq yırları aqşamı

“Qırımtatar medeniyeti künleri”niñ ekinci künü aqşamını belli qırımtatar yırcısı Rüstem Memet qırırmtatar halq yırları ile yaraştırdı. Mühteşem bir ses sahibi olğan Rüstem Memetov, “Çora batır” destanına esaslanğan halq yırlarından başlap, tarih devamında Qırımda olıp keçken türlü tarihiy vaqialağa esaslanğan qırımtatar yırlarını tedbir iştirakçilerinen beraber büyük bir zevq ile icra etti.

13 Rustem Memed1

“Qara ker atım”, "Seyit oğlu Seydamet”, “Qaranfil”, “Güzel Qırım”, “Vatanım Qırım” ve başqa yırlar diñleyiciler tarafından pek begenildi ve alğışlar ile qarşılandı.

İzleyiciler

 

 

 

Pin It
  • Gösterim: 143