Sovetlerge Muhalefet: Türk Siyasiy Muhacirleriniñ
Bolşevik ve Türk Devrimlerine Baqışı
“Emel Qırım Vaqfı“’nıñ “Fikir-Kültür Konferentsiyaları” çerçivesinde 2021s. Qara qış ayı 24 Bazar künü saat 12.00’de internet vastasınen teşkil etilgen toplaşuvnıñ adı “Sovetlerge Muhalefet: Türk Siyasiy Muhacirleriniñ Bolşevik ve Türk Devrimlerine Baqışı” edi.
Konferentsiyanıñ kqonuşmacısı yaqın zamanda “Sovetlerge Muhalefet - Türk Siyasiy Muhacirleriniñ Bolşevik ve Türk Devrimlerine Baqışı (1923-1934)” adlı kitabı yayımlanğan, Varşava Üniversiteti Tarih Bölüminiñ Doktora Ögrencisi, Araştırmacı Edige Buraq Atmaca oldı.
Konferentsiyada iştirak etkenler arasında Qırımtatar Milliy Meclisi (QTMM) Reisi Refat Çubarov da bar edi. Moderatörlığını Dünya Qırımtatar Kongresi (DQTK) Türkiye Gençlik Koordinatorı Fethi Qurtiy Şahin’niñ yapqanı konferentsiya “Emel Qırım Vaqfı“ adından Reis Yardımcısı Nurten Bay’nıñ teşekkür qonuşmasınen başlandı.
Daha soñra Buraq Atmaca Osmanlı topraqlarındaki ilk siyasiy muhacirlerni añlataraq başlağan qonuşmasında, hususan Sovet Rusiye rejiminiñ maqsat olaraq alğanı aydın, yazar, yayıncı vb. Türk siyasiy muhacirler haqqında söz yürsetti.
Sovet basqısınıñ maqsadı olğan Türk siyasi muhacirlerini añlatırken, emiyetli isim ve yayınlarnı, fikir aqımlarını da sıralağan Atmaca, kimi siyasiy muhacirniñ siyasiy kün tertibi ile çoq meraq köstermegenini ve bu baqımdan diger siyasiy muhacirler tarafından tenqit etilgenlerini qayd etip, çoqusınıñ memleketlerinden uzaqlaşqandan soñra siyasiy mücadeleni alıp barğanını añlattı.
Türkiye, Romanya, Ukraina qıta qısmı ve Qırım’dan olduqça büyük meraq çekken konferentsiyada Türk siyasiy muhacirlerini Zeki Velidi Togan’dan Noman Çelebicihan’ğa, Mehmed Emin Resulzade’den Sadri Maksudi Arsal’ğa isim isim añlatqan Atmaca, nasıl yerleşkenlerini ve Sovetlerge muhalefetniñ qayda olğanlarını aytıp, bu isimlerniñ emiyetli yayınları aqqında da söz yürsetti.
Bu toplaşuvnıñ video qaydını "Emel Qırım Vaqfı" youtube saifesinde körebilesiñiz.
