Romanya Musulman Seminarları ve Qırımtatar Milliy Hareketi
“Emel Qırım Vaqfı“nıñ “Fikir-Kültür Konferentsiyaları” çerçivesinde 2021 s. Kiçik ay 21-inde, Bazar künü, saat 13.00-de internet vastasınen teşkil etilgen toplaşuvnıñ adı “Romanya Musulman Seminarları ve Qırımtatar Milliy Hareketi” edi.
Konferentsiyanıñ qonuşmacısı Dünya Qırımtatar Kongressi İdare Heyetiniñ azası ve Romanya Ovidius Üniversiteti’nden, Tarihçı Dr.Metin Ömer edi.
İştirakçileri çoq olğan toplaşuv tahminen 2.5 saat devam etti.
Moderatorlığını Namık Kemal Bayar yapqan tedbir “Emel Qırım Vaqfı“ İdare Heyyetiniñ Azası ve “Emel“ Dergisiniñ muharriri Bülent Tanatar’nıñ qısqa bir qonuşması ile başladı. Tanatar qonuşmasında mahsus Numan Çelebicihannıñ şehit etilüviniñ yıldönümi olğan Kiçik ay 23-niñ emiyeti haqqında ayttı.
Daha soñra Dr.Metin Ömer slaytlar yardımınen soñ derece meraq doğurğan bir taqdim yaptı ve iştirakçilerniñ suallerine cevap berdi.
"Emel Qırım Vaqfı"nıñ facebook saifesinde canlı olaraqta kösterilgen bu toplaşuvnıñ video qaydını "Emel Qırım Vaqfı" youtube saifesinde körebilesiñiz.
