Camala "Taras Şevçenko Devlet Mukâfatı"na Lâyıq Körüldi
2016 yılında teşkil etilgen Eurovision Yır Yarışmasında birincilikni qazanğan Camala, Ukrayna devleti tarafından berilgen "Taras Şevçenko Devlet Mukâfatı"na lâyıq körüldi. Camala, Ukrayna medeniyetine ve sanatına yapqan hissesi içün “QIRIM” adlı albomı ile bu mukâfatqa lâyıq körüldi. Mukâfat "Muzıka Sanatı" kategoriyasında berildi.
Ukrayna Cumhurbaşqanı tarafından berilgen mukâfatnıñ bir diger özelligi de qazanğan kişiniñ tekrar alamamasındadır.
Camalanıñ mukâfatqa lâyıq körülgen “QIRIM” adlı albomınıñ taqdimi 5 Mayıs 2023te Kıyivde yapılğan edi. Ukrayna Millet Operasında teşkil etilgen taqdim programmasında, Camalağa Volodımır Sirenko rehberlerindeki Ukrayna Milliy Simfonik Orkestri eşlik etken edi.
Camalanıñ albomı üstüne 80-den ziyade muzıkacı çalışıp, bu albomında Qırımnıñ aman-aman her bölgesinden toplanğan 14 eski Qırımtatar yırı yer almaqta.
