Belli Çalğıcığa - Yüksek Unvan
Caz çalğıcısı Üsein Bekirov "Ukrainada hızmet köstergen artist" unvanınen taqdirlendi.
Qırımtatarı olğan ukrainalı çalğıcı Üsein Bekirov "Ukrainada hızmet köstergen artist" unvanına taqdim etilgeni aqqında ait Fermannı Ukraina Prezidenti Vladimir Zelenskiy Ukraina Birligi Künü arfesinde imzaladı.
Üsein Bekirovnı böyle yüksek devlet mukâfatınen Milliy Meclis reisi Refat Çubarov, yırcı Camala, akkordeoncı Şevket Zmorka birinci olıp hayırladılar.
Ukrainı Prezidentiniñ Qırım Muhtar Cumhuriyetindeki temsilciliginde körümli caz çalğıcısı Üsein Bekirov qırımtatar ve ukrain muzıkası birleştirgenini qayd ettiler,
"Ukraina Birligi Künü munasebetinen ille tamır qırımtatar halqı vekiliniñ hızmetlerine yüksek qıymet kesilgeni simvolik mana taşımaqta. Devlet şunı bildire ki, Qırım Ukraina toprağıdır ve onıñ içün küreşini devam etecektir”, - denile Prezident vekâletliginiñ tebrik mesajında.
Üsein Bekirov –caz çalğıcısı olaraq etnocaz, yetnofyüjn, fank kibi üslüpte çala. Bogdan Gümenük, Dennis Adu, İgor Zakus, Barri Brengard kibi meşur çalğıcılar ile işbirlik yapa. "Ethnovation", "Oakmen" taqımları ile birlikte ve kendiniñ caz kvintetinde çala.
Elvira Ablâziz / Kiev