Sakarya Zaferi’niñ 100.Yılı: Muharebe Alanında Qırımtatar Köyleri
“Emel Qırım Vaqfı“nıñ “Fikir-Kültür Konferentsiyaları” çerçivesinde 30 Mayıs 2021 Bazar künü saat 17.00’de internet vastasınen teşkil etilgen toplaşuvnıñ başlığı “Sakarya Zaferi’niñ 100.Yılı: Muharebe Alanında Qırımtatar Köyleri” edi.
Sezonnıñ soñ toplaşuvınıñ qonuşmacısı Tarih hocası ve Konya Necmettin Erbakan Üniversiteti Tarih Bölümi’nde doktorlıq dissertatsiyasını yapmaqta olğan Ümit Özkan oldı.
Moderatorlığını Namıq Kemal Bayar yapqan tedbir “Emel Vaqkfı” reisi ve QTMM Türkiye Temsilcisi Zafer Qaratay’nıñ qonuşmasınen açıldı.
Namıq Kemal Bayar Ümit Özkan’nı tanıtqandan soñ taqdim başladı.
“Emel Qırım Vaqfı“ facebook saifesinde aynı zamanda canlı yayınlanğan konferentsiyada Özkan Muharebe alanındaki Qırımtatar köylerini ayrı-ayrı añlataraq, slaydlar yardımınen soñ derece tafsilâtlı bir taqdim yaptı.
Özkan devriy neşirler, bazı hatıratlar, bir qısım telif eserler ve arhiv vesiqalarından faydalanaraq hazırlagan taqdiminde bölgedeki köylerge köçlerniñ umumiy sebeplerini añlataraq başladı.
Daha soñra ayrı-ayrı köylerniñ qurulış tarihlerinen beraber köyni qurğanlar haqqında malümat berdi. Soñra da bu köylerde yaşağan halqnıñ Millî Mücadele’ge issesi haqqında bir degerlendirme yaptı.
Tahminen 2 saat devam etken konferentsiyanıñ soñunda Ümit Özkan iştirakçilerniñ suallerine cevap berdi.
Konferetsiyanıñ bütünini https://youtu.be/zjC0pwTm514 adresinden baqmağa mumkün.
