Prof.Dr.Haqan Qırımlı “Qırım Hanlıgı”nı Añlattı
Qırım Dernegi İstanbul Anadolu Yaqasınıñ Şubesi internet vastası ile Prof.Dr.Haqan Qırımlı ile Tarih Suhbetleri’niñ ekincisini 2021s. Saban ayı 12, Cuma künü saat 21.00’de teşkil etti. Facebooktan canlı olaraq da yayınlanğan konferentsiyağa meraq büyük edi.
Moderatorlığını Emir Sözen yapqan konferentsiya Şube Başqanı Şebnem Sözen’niñ teşekkür qonuşmasınen başlandı. Daha soñra Prof.Dr.Haqan Qırımlı slaytlarnen tahminen 1.5 saat devam etken bir sunum yaptı.
Qırımlı qonuşmasında qurulğan vaqtından başlap Qırım Hanlıgı’nıñ siyasiy tarihı, siyasiy şekli, idare şekli, Osmanlı İmperiyası’nen alâqası, Geray Sultanlar’nıñ östürilüvlerine bağlı âdetler ve oquşları haqqında malümat verdi.
Prof.Dr.Haqan Qırımlı soñ derece büyük bir zevqle diñlengen suhbetinden soñ iştirakçilerni meraqlandırğan suallerge de cevap berdi.
Programmanıñ hepisini https://www.facebook.com/watch/live/?v=276981967322024 adresinde körebilesiñiz.
