“Milât Tılsımı” Tedbirine Qatıldıq
Ukrayna Ankara Büyükelçiligi ve Ukrayna Dernegi tarafından 2023 senesi İlk Qış ayı 17-sinde “Milât Tılsımı” tedbiri yapıldı. Programma, Ukraynağa ve Ukrayna halqına destek olmaq maqsadınen hayatqa keçirildi.
Tedbir, yarmalıq ve kontsert olaraq eki qısımdan oluştı. "Metromall" Alışveriş Merkezinde kerçekleştirilgen programma çerçivesinde yarmalıq saat 10.00’da başlap 22.00’a qadar devam etti. Yarmalıqta, bir çoq Ukraynalı stendlerini açtı ve büyük meraq kördi. Yarmalıqtan elde etilgen kelir Ukrayna halqına destek olaraq yiberilecek.
Yarmalıq çerçivesinde Ukrayna ve Qırımtatar oyun taqımları halq oyunlarını icra ettiler. Kösterüvler saat 14.00-16.00 arasında kerçekleşti. Tedbir Ukraynada yaşanmaqta olğan cenk esnasında hayatını coyğanlar içün yapılğan sayğı turuşı ile başladı. Açılış qonuşmasını Ankara Ukrayna Dernegi reisiniñ yardımcısı Irina Ambarkütükoğlu ve Ukraynanıñ Ankara Büyükelçisi Vasıl Bodnar yaptı.
Ankara Ukrayna Dernegi reisiniñ yardımcısı Irina Ambarkütükoğlu açılış qonuşması yaptı. Ambarkütükoğlu, “Sevgili musafirler, Sayğılı Büyükelçi, bugün Ankarada büyük Ukrayna ailemizni bir arada körmekten baht duyam. Bu sene Ukraynalılar olaraq Milâtnı yañı taqvimge köre bütün medeniy dünya ile beraber qayd etemiz. Menim içün şahsiy olaraq Milât demek qoranta ile toplanmaq demektir. Ne yazıq ki, bütün Ukraynalılar içün Milât sevgisi beraber toplamay bugün. İşte bu sebepten bugün mında hayır yarmalığından elde etilecek kelirniñ bir qısmını Ukraynalılarğa destek içün qullanacaqmız. Çünki bugün Mulâtnı bazıları Ukraynada, bazıları Ukrayna tışında, bazıları ise cebhe hattında qarşılamaq mecbur qaldı. Serbest, bahtlı ve hür ola bilmemiz içün bugün Ukraynada birileri hayatını bere. Onıñ içün her tedbirde qahramanlarımıznı sayğı ile añamız. Böyle zor zamanlarda birlik olmaq pek ehemmiyeti ve bizim bugünki tedbirimiz de birligimizniñ eñ güzel temsillerinden birisi oldı. Çünki bugün mında 50’den ziyade 3 yaşından daha büyük yaşlarğa qadar balalarımız kösterüv yapacaq. Mında Ukraynanıñ ne qadar çeşitli ve güzel bir mefeniyeti olğanını kösterecekmiz sizge. Çünki aramızda tek Ukraynalı sanatçılar degil, Qırımtatar oyun toplulığı da bulunacaq ve bir kere daha bütün dünyağa Qırımnıñ Ukrayna olğanını hatırlatacaqmız” dedi.
Ukrayna Büyükelçisi Vasıl Bodnar ise açılış töreninde yapqan qonuşmada, “Sayğılı musafirler, dostlarım, sizlerni bugün mında körmekten büyük bir baht duyam. Ankarada bulunğan Ukrayna diasporasına böyle tedbirler ile bizlerni bir arağa ketigenleri içün teşekkürlerimizni bildirem. Her sabah kahramanlarımıznı añamız ve Ukrayna ve serbest Ukraynalılar içün nasıl büyük bir fiyat ödegenlerini hatırlaymız. Hiç bir halq, adetlerini ve medeniyetini qoruğanı vaqıt yoq olamaz. Bugün mında büyüklerimiz ve balalarımız ile beraber Milât arefesinde güzel bir tedbir içün toplandıq. Mında Ukraynalılar, Qırımtatarları ve Türk dostlarımız ile beraber yañı yıl içün güzel tilekler tileymiz. Kelecek yılnıñ bugünkinden daha yahşı olacağını ümüt etemiz. Bugün mında hem Ukraynalılarnıñ birligini bir kere daha tesis etmek, hem de Türk dostlarımızğa zengin medeniyetimizni ve adetlerimizni tanıtmaq içün keldik. Burada bulunğan her keske hayırlı Milât ve hayırlı Yañı yıllar tileyim” dep qonuştı.
"Ukrayna Çiçekleri" Ukrayna halq oyunları taqımı, "Cıyın Ansambli" Qırımtatar oyunları Toplulığı ve "Roksolana" Ukrayna halq muzıkası horu tedbirde sahnağa çıqtılar. “Milât Tılsımı” tedbiri taqımlarnıñ oyun kösterüvleri ve kontsert ile devam etti.
Fotoğraflar: QHA
Videolar: Ukrayna Dernegi
