İnternette Tepreç Coşqunlığı
Uzaqlarnı yaqın etken internet vastasınen duyğu ve çoşqunlıq tolu bir Tepreç yapıldı. “Emel“ Fikir ve Kültür tedbirleri çerçivesinde 2021s. İlk yaz ayı 6 (6 Haziran 2021) Bazar künü saat 17.00'de teşkil etilgen Tepreç şeñligi Zoom platforması vastasınen kerçekleştirildi.
“Emel Qırım Vaqfı“, Qırım Dernegi Genel Merkezi, Qırım Dernegi Konya ve Bursa şubeleri ile Romanya Mehmet Niyazi Medeniyet Dernegi iştiraginen Çevrimiçi Tepreç tedbiri teşkil etildi. Çıñlar, maneler, şiirler, yırlar ve qadimiy oyunlar yer alğan halqımıznıñ ananeviy Tepreç şeñligi GENÇ TATAR taqımı (Kamil Can, Fazıl Can, Muhammed Yusuf Aydamak, Furkan Karakaya, Hacer Altundal) tarafından hazırlanıp taqim etildi.
Büyük meraq doğurğan Tepreç “İstiklal Marşı“ ve “Ant Etkenmen“ milliy marşlarından soñ Bandırma-Orhaniye Köyü İmamı Zekâi Önem’niñ okuğan Qur’an-ı Kerim Tilâveti ve Tepreç Duası ile başladı.
GENÇ TATAR taqımı (Kamil Can, Fazıl Can, Muhammed Yusuf Aydamak, Furkan Karakaya, Hacer Altundal) teşkil etken “Emel Qırım Vaqfı"nıñ Reisi ve QTMM Türkiye Temsilcisi Zafer Qaratay’nıñ açılış qonuşmasından soñ Namıq Kemal Bayar eviniñ bağçasında “Qalaqay” tığırtıp bir Tepreç adetini kerçekleştirdi. Qalaqay Tığırtma adetinde qalaqaynıñ tüşken tarafı o yılnıñ halq içün nasıl keçecegine dair beklentini ifade ete. Çevrimiçi Tepreç’te tüz tüşken qalaqay yılnıñ bol bereketli keçmesi ümütlerni yeşertti.
Tedbirde ilk bağlantı Washington-ABD ile kerçekleştirildi. İnci Bowman qartbabası Fevzi Altuğ haqqında bilgi berdi, artından Altuğ’nıñ Tepreç şiiri oqundı.
İstanbul’dan Dr. Zekeriya Başarslan, Mecidiye’den Ekrem Ğaffar, Kanada’dan Aydın Celâl, Dobruca’dan Mesut Baubek ve Geniçesk’ten Nariman Ablaziz’niñ seslendirgen yırlarnen renklengen Tepreç’te Qırım Dernegi Bursa Şubesi’niñ “Qırımtatarca” derslerine qatılğanlarnıñ çınlaşmalarını bütün iştirakçiler pek begendi.
Bütün dünyağa yayılıp tesir etken koronavirüs marazı sebebinden insanlarnıñ eñ yaqınlarından bile uzaq qalğanları bu künlerde kerçekleştirilgen çevrimiçi tedbir iştirakçilerge soñ derece duyğulı añlar yaşattı. Bükreş’ten Şevqati Abdurrahim ve Eden Qurtasan’nen beraber dünyanıñ pek çok yerinden bağlanğan iştirakçiler Tepreç’ke ait hatıralarını ve duyğularını seslendirdiler.
Dünya Qırım Tatar Kongresi ve QTMM Reisi Refat Çubarov’nıñ da Kiev’den bağlanaraq iştirakçilerge hitap etken Tepreç şeñligi Ankara’dan Refat Useyinov’nıñ piyano ile çalğanı ve bütün iştirakçilerniñ ekran başında coşqun oyunlarınen iştirak etken Bağçasaray Qaytarması ile soñuna irdi.
“Emel Fikir-Kültür Konferentsiyaları“ çerçivesinde sezonnıñ soñ toplaşuvı olaraq teşkil etilgen bu emiyetli tedbirni https://youtu.be/QKtP1vmXVqM adresinde tekrar baqa bilirsiñiz.
