BOŞ AYNIÑ ŞİİRİ: RIZA YUSUF

                                                                                 SELBİ  TEREGİ                 

                                                                         Doğğan yerim Yeniköy, Çatırdağnıñ etegi,
                                                                         İç de ketmey aqlımdan çoqraqları, çeçegi.
                                                                         Baar kelse köy etrafı gülbahçağa aylana,
                                                                         Yazda pişgen meyvalarğa baqıp erkes suqlana.

                                                                         Bir kün babam alıp keldi birqaç selbi fidanı,
                                                                         Azbarımız köşesine oturttı fidanlarnı.
                                                                         Soñ çağırıp maña ayttı: “Dört balama dört terek,
                                                                         Alla berse tamır atar, yeşillenir dört terek.

                                                                         Men körerim ya da körmem, selbilerniñ öskeniñ,
                                                                         Balalarımnıñ dörtisi de körer boyğa yetkenin.”
                                                                         Babam cenkte elaq oldı, bizni ise sürdiler,
                                                                         Uzaqlarğa, ğurbetlikke. Yanğız qaldı selbiler.

                                                                         Yol açılıp qaytıp keldim, sürgünlikten evime,
                                                                         Közyaşımı zornen tutıp baqıp qaldım selbige.
                                                                         Çatırdağga boyu yetken, quvvetleşken, yetilgen,
                                                                         Aman kelip quçaqladım, tıpqı babam elinden.

                                                                         Pıtaqların yavaş sıqam, yapraqlarnı sıypaymañ,
                                                                         Dertlerimni oña aytıp ökür-ökür cılayman.
                                                                         Dört selbiden biri qalğan, üç tanesi quruğan,
                                                                         Qardaşlarım ölgenini Alla taalâ tuydırğan.

                                                                         Aqşam-saba men kelemen, turam selbi qatında.
                                                                         Duva etip men tiliymen, ömür ber dep Alladan.
                                                                         Anam öldü, babam öldü bu yalancı dünyada,
                                                                         Körmey öldü bu künlerni üç qardaşım uzaqta.

                                                                         Nesliñ babam, qurumadı; qaldı senden bir bala,
                                                                         Selbi terek qurumadı, daa turar inşalla.
                                                                         Babaterek etrafında fidanlar tal atacaq,
                                                                         Üç torunıñ babaköyde selbiler oturtacaq.

 

LUĞAT
Selbi: Selvi
Terek: Ağaç
Selbi terek: Selvi ağacı
Çoqraq: Su kaynağı, pınar, kaynak
Aylanmaq: Dönmek
Pişmek: 1)Dikilecek kumaşı ölçüye göre kesmek, 2) Yemeğin pişmesi, 3) Meyva-sebzenin olgunlaşması
Pişgen meyvalar: Olgunlaşan meyvalar
Suqlanmaq: 1) Meraklanmak, 2) İmrenmek, 3)(bazen) Sevinmek
Azbar: Evin ön bahçesi
Fidan oturtmaq: Fidan dikmek
Aytmaq : Söylemek
Tamır: 1)Damar, 2)Bitkilerin kökü
Tamır atmaq: Kök salmak
Ösmek : Büyümek
Boyğa yetkenin: Boyunun uzadığını
Elaq olmaq: Ölmek
Pıtaq: Dal, dal budak
Sıypamaq: Okşamak
Sıypaymañ: Okşuyorum
Cılamaq: Ağlamak
Ökür-ökür cılamaq: Haykıra haykıra, hüngür hüngür ağlamak
Qatında: Yanında
Selbi qatında: Selvinin yanında

 

Pin It
  • Gösterim: 224