Bizge Ana Tilde Yayın Kerek
Yazğan: Nariye SEYDAMETOVA
Dergi, keniş mevzuatlı bir yayın olaraq, medeniyet ve cemiyetniñ türlü sahalarında malümat bermek maqsadı ile yayınlanması tüşünile. Qırımtatar tarihı, sanatı, medeniyeti haqqında çeşit materiallarnen tanış etecek dergi türlü meraqları olğan çeşit yaşta olğan keniş oquyıcılar auditoriyası içün faydalı olacaq. Dergi edebiy qırımtatar tilinde yayınlanacaq ve böylece yoq olma telükesi yüksek olğan qırımtatar tiliniñ canlanması ve daha çoq yayılması ve qullanılması içün hızmet etecek.
Diger qırımtatar yayınları ile işbirlik qurıp, ortaq maqaleler ve materiallarnıñ bastırılması da közde tutula. Böyle bir yanaşma derginiñ bütün dünyadaki qırımtatar toplumı içün ve meraqlanğanlarnıñ hepisi içün zengin bir malümat menbası olmasını temin eter. Dergi internet yayını olaraq hem de basma yayını olaraq cıqarılması közde tutula. Sotsial medialarda: Facebook İnstagram Twitter Telegram vs. Saifeler açılıp, olarda qısqa malümat berilip derginin internet saifesinde ise tolu malümatqa irişile bilecek. İnternet saifesinde fotoresimler videoleyhalar da yer alacaq.
Dergideki materiallar böyle bölüklerde yerleştirilecek:
- Bediy-edebiy materiallar: qırımtatar edebiyatı haqqında ilmiy-populâr maqaleler, qırımtatar edebiyatınıñ eserleri, dünya edebiyatından qırımtatar tiline tercimeler
- Qırımtatar tili ile bağlı ilmiy-populâr maqaleler
- İçtimaiy-siyasiy mevzuda maqaleler
- Tarih mevzusında maqaleler
- Arhiv materialları
- Hatırlavlar
- Medeniyet: mimarlıq, el sanatları, resim sanatı, muzıka, halq oyunları, teatr vs.
- Simalar: belli tarihiy şahıslar ve maraqlı zamandaşlarımız haqqında malümat, suhbetler.
- Kitap tanıtımları
- Gençler içün: yaşam tarzı, universitetler, stajlar, burslar vs. haqqında malümat
- İlânlar: sergiler, kontsertler, lektsiyalar, diger içtimaiy ve medeniy tedbirler haqqında ilanlar ve haberler
- Derginiñ internet saifesinde oquyıcılar arasında ve muharriyet ile bağnı temin etmek forum, çat, sorav, test kibi şekillerniñ qullanması közde tutula.
Dergi, bütün dünyadaki qırımtatar toplumı içinde ve meraqlanğanlarnıñ hepisinde qırımtartar halqı ve onıñ özgün medeniyeti hususında çoqtaraflı qavrayış şekillendirmek maqsadına hızmet etecek, ilmiy tedqiqatlarnı teşviq etecek, degen ümüttemiz.
Dergideki materiallar kaliteli ve şeffaf olmalı, ilmiy maqaleler ilmiy etika qaidelerine uyğun olmalı.
Issn
Copyright
License
Muellifler
Muharriyet
Ortaq (işbirlik yapılacaq ) yayınlar ve media vastaları
