Qırım’dan Ural Dağlarına Sürgünler
“Emel Qırım Vaqfı”nıñ “Fikir-Kültür Konferentsiyaları” çerçivesinde 2021s. Quralay 9 Bazar künü saat 17.00’de internet vastasınen teşkil etilgen toplaşuvnıñ başlığı “Qırım’dan Ural Dağlarına Sürgünler” edi.
Konferentsiyanıñ qonuşmacısı usta gazetacı, yazıcı, “Nenkecan” dergisiniñ baş muharriri Zera Bekirova oldı.
Moderatorlığını Namıq Kemal Bayar yapqan tedbir QKTMM Türkiye Temsilcisi ve “Emel Qırım Vaqfı”nıñ Reisi Zafer Qaratay’nıñ qonuşmasınen başladı. Qaratay bir kün evel olğan Qadir Gecesi’ni hayırlap, “Analar Künü”ni de hayırlağandan soñ, Quralay 9 (9 Mayıs) tarihiniñ emiyetini de añlattı. Ekinci Dünya Cenki’niñ resmiy olaraq bitken tarihi olğan Quralay 9-nıñ pek çoq yerde “Ğalebe Bayramı” olaraq qayd etilgenini, amma 70 milyondan ziyde insan hayatını ğayıp etmesine sebep olğan böyle bir facianıñ soñuna yetken künni “Dünya Matem Künü” olaraq qayd etilmesiniñ daha doğru olacağını ifade etti.
Namıq Kemal Bayar Zera Bekirova’nı tanıtqandan soñ taqdim başladı.
“Emel Qırım Vaqfı“ facebook saifesinde eş zamanlı olaraq canlı yayınlanğan konferentsiya Zera Bekirova Ural Dağları’na sürgünlerniñ tarihçesini añlatmaqtan başladı. Özü de şahsen Ural Dağlarına ve Mari El Cumhuriyeti’ne ketip, bölgede yaşağanlarnen yapqan reportajlardan örnekler berip, pek tafsilatlı bir sunum yaptı. Ayırıca Ural Dağlarına sürgün etilgen ve hâlâ hayatta olğanlarnıñ sürgün hatıraları da paylaşılğan taqdim soñ derece duyğulı bir havada kerçekleşti.
Konferentsiyanıñ soñunda Zera Bekirova iştirakçilerniñ suallerine cevap berdi.
Online olaraq Zoom platforması üzerinden kerçekleştirilgen ve aynı zamanda facebook’tan canlı olarakq yayınlanğan toplaşuvnıñ soñunda Romaniya/Dobruca’dan Mesut Baubek iştirakçiler içün “Ural Dağı” yırını icra etti.
Konferentsiyanıñ qaydını https://www.facebook.com/watch/live/?v=911112572955865&ref=watch_permalink adresinden baqa bilirsiniz.
