Prof.Dr.Zühal Yükselge Armağan Kitap Taqdim Merasimi
Qırımtatar diasporasınıñ qıymetli isimlerinden Prof. Dr. Zühal Yükselge Ankara Hacı Bayram Veli Üniversitetindeki emekliligi vesilesinen hazırlanğan "Qırımdan Türkologiyağa Emelniñ Sesi – Prof. Dr. Zühal Yükselge Armağan” adlı kitapnıñ taqdim merasimi 11 Mart 2023, cumaertesi künü yapıldı.
Merasim Gazi Üniversiteti Kültür Merkezi salonında kerçekleştirildi. Prof. Dr. Zühal Yükselniñ hatırlavlarınıñ fotosuretler ve Qırımtatar yırları ile beraber hazırlanğan slayd kösterüvi ile renklendirilgen merasimniñ takdimini aynı zamanda armağan kitabınıñ muharrirligini de yapqan talebesi ve iş arqadaşı Doç. Dr. Işılay Işıktaş Sava yaptı.
Quruluşından itibaren çalışıp kelgen Hacı Bayram Veli Üniversiteti Edebiyat Fakülteti Çağdaş Türk Lehçeleri ve Edebiyatları Bölümi tarafından künniñ hatırası olaraq hazırlanğan plaket ise Bölüm Başqanı Prof. Dr. Fatih Kirişçioğlu tarafından Prof. Dr. Zühal Yükselge taqdim etildi.
İlk bölümi Prof. Dr. Zühal Yükselniñ tercimeialı ile başlağan, akademik çalışmaları haqqında bilgi berilgen; ekinci bölüminde Prof. Dr. Zühal Yüksel haqqında yazılğan hatırlav yazıları yer alğan; üçünci bölüminde Türk tarihi ve medeniyeti haqqında yazılğan 42 maqale ile dörtünci bölüminde Prof. Dr. Zühal Yükselniñ hayatından kesitler olğan seçme fotosuretlerge yer berilgen, dört bölümden oluşqan kitap “Bengü Yayınları” tarafından basıldı. ”Qırımdan Türkologiyağa Emelniñ Sesi – Prof. Dr. Zühal Yükselge Armağan” adlı kitapnıñ Prof. Dr. Zühal Yükselge taqdimi ise Prof. Dr. Ahmet Bican Ercilasun tarafından yapıldı. Akademik ve iş arqadaşlarınıñ Prof. Dr. Zühal Yüksel ile bağlı hatıralarını seslendirgen tedbirde Qırım Dernegi Unuiy Reisi Mükremin Şahin, Qırım Vaqfı Reisi Tuncer Qalqay, Qırımtatar Milliy Meclisi Azası Doç. Dr. Gayana Yüksel ve TÜRKSİD Ukrayna Derneginiñ Reisi İsmet Yüksel de birer qonuşma yaptılar.
Tedbirniñ soñunda ise Prof. Dr. Zühal Yüksel böyle añlamlı bir tedbir onı pek duyğulandırğanını, bu vesile ile kerek toplaşuv, kerekse kitap nişir etilmesinde emegi keçkenlerge ve böyle añlamlı bir tedbirde özüni yalñız bıraqmayaraq kelgen her keske teşekkürlerini bildirdi.
