“Lazgi” Festivalinde Tögerek Masa Toplaşuvı ile Neticeler Çıqarıldı
Dernegimiz halq oyunları ve muzıka toplulığı olğan “Cıyın” ansambliniñ oyunlar hocası Evelina Kemilevanıñ qonuşmacı olaraq iştirak etken Halqara "Lazgi" festivali çerçivesinde 2024 senesi Çeçek ayınıñ 28-de Bazar künü bir tögerek masa toplaşuvı teşkil etildi.
Horezm Mamon Akademiyasında kerçekleştirilgen toplaşuvda konferensiyanıñ neticeleri çıqarıldı, tecribe paylaşıldı ve bilgi alışverişinde bulunıldı.
Toplaşuv yapılğan akademiyanıñ Özbekistan tarihinde körümli bir yeri bar. 1004 senesi qurulğan bu tahsil qurumı Horezmniñ ve Özbekistannıñ eñ eski akademiyasıdır.
Konferensiyağa qatılğan hocalar içün teşkil etilgen bu tögerek masa toplaşuvından soñ tedbirniñ moderatorlığını yapqan Özbekistan Devlet Horeografiya Akademiyasınıñ Rektorı Tohtasımov Şuhrat qatılımcılarğa birer qatılım sertifikatı taqdim etti.
