Kıyivde "Bora Ğazı Giray Han: Ukrayinanıñ Muzıka Mirası" kontserti
UNESCO Barış sanatçısı German Makarenko rehberliğindeki Kıyiv Klasik Orkestrası, Ukrayinanıñ paytahtı Kıyivde "Bora Ğazı Giray Han: Ukrayinanıñ Muzıka Mirası" kontsertini berdi.
Ukrayinanıñ paytahtı Kıyivdeki “Ukrayina Evi” medeniyet merkezinde “Bora Ğazı Giray Han: Ukrayinanıñ Muzıka Mirası” kontserti teşkil etildi. Muvafaqiyetli bir devlet adamı ve asker olmaqnen beraber yahşı bir şair ve bestekâr olaraq tanılğan Qırım hükümdarı Bora Ğazı Giray Hannıñ (II. Ğazı Giray) eserleri, UNESCO Barış Sanatçısı German Makarenko rehberligindeki Kıyiv-Klasik Orkestrası tarafından icra etildi.
Qırımtatar Milliy Meclisiniñ (QTMM) Reisi Refat Çubarov, 2023 yılı İlk Qış ayınıñ 21-inde Kıyivde "Bora Ğazı Giray Han: Ukrayinanıñ Müzik Mirası” kontsertiniñ teşkil etilgeni haqqında söz yürsetti. Çubarov, "Bu acayip tedbir, Almaniya Federal Tış işleri Nazirliginiñ 2023 Medeniyet ve Tahsil İstiqrar Fondu ve Ukrayinadaki Goethe İnstitutınıñ destegi sayesinde hayatqa keçirildi" dep ayttı.
Ukrayinalı UNESCO Barış Sanatçısı German Makarenko ve Türk muzıkacısı, UNESCO Barış Sanatçısı Kudsi Ergunerniñ ortaqlığında Bora Ğazı Giray Hannıñ eserleri sanatseverlernen körüşti.
"MUZIKA MİRASI HALQNIÑ RUHUDUR"
Hayatqa keçirgeni leyiha ile bağlı açıqlama yapqan rehber German Makarenko, “Medeniy miras, insanlarnıñ özlerini tanımlamasında ehemiyetli bir ölçüt halına kelmektedir. Somut olmağan medeniy miras, hususan muzıka sanatı, halqnıñ, yüzyıllar ve biñ yıllar boyunca yansılğan ruhudır. Bugün, 21-inci yüzyılınıñ zemaneviy seyircige Bora Ğazı Giray Hannıñ 16-ıncı yüzyılda bestelegeni eserni taqdim etemiz. Bestekâr, eserlerinde uzun zaman acı çekken Qırımtatar halqınıñ eşsiz, renkli ve tılsımlı ruhunı pek güzel bir şekilde tasvir etti” dedi.
BORA ĞAZI GİRAY HANNIÑ BESTELERİ PARİSTE İCRA ETİLDİ
Kıyiv Klasik Orkestrası, Bora Ğazı Giray Hannıñ (II. Ğazı Giray) bestelegen eserlerden tertip etilgen kontsertni ilk defa Boş ayda Pariste berdi. Ukrayina Tış İşleri Nazir Yardımcısı Emine Ceppar, Ukrayinanıñ Bora Ğazı Giray Hannıñ eserlerini insanlıqnıñ muzıka mirası entsiklopediyasına kirsetilmesi kerek olğanını qayd eterek, Ukraynanıñ yaqın zamanda bu esnasnı başlatacağını ayttı.
BORA ĞAZI GİRAY HAN
Devlet adamı, şair, bestekâr, hattat (D.1554, Qırım-Ö. Kasım 1607, Aqmescit) Bora Ğazı Giray Han, Qırım hükümdarlarından Devlet Giraynıñ oğludır. II. Ğazı Giray Han olaraq bilinir. Devriniñ eñ üstün medreselerinde tahsil alğandır. Köstergen qahramanlıqlarından ötrü "Bora" lağabını alğandır.
Ğazı Giray Han, muvafaqiyetli bir devlet adamı ve asker olmaqnen beraber yahşı bir şair ve bestekâr edi. Sanatçılarnı, alimlerni qorçalağan; pek degerli saz eserlerni bestelegendir. Peşrafları, saz semaileri bugün hala icra etilir. “Hüzzam” peşrafı, “Mahur” peşrafı ile saz semaisi, “Bayatîaraban” peşrafı, “Şedaraban” saz semaisi, klasik Türk muzıkası repertuarınıñ eñ güzel saz eserleri arasındadır.
