Evelina Kemileva Taşkentte “Avdet” Qırımtatar Medeniyet Merkezini Ziyaret Etti
Cıyın Ansambli dans hocası Evelina Kemileva 2024s. Çiçek ayı 23’de Taşkentte “Avdet” Qırımtatar medeniyet merkezini ziyaret etti.
Taşkent şeherindeki “Avdet” Qırımtatar medeniyet merkezi bir çoq yıllar devamında faaliyet köstermektedir. Bu vaqıt içinde teşebbüsçiler gruppası tarafından qırımtatar medeniy mirasını saqlap qalmaq maqsadınen çoq işler yapılğan edi. Medeniyet merkezinde qırımtatar tili, öz zengin adetleri ve çeşitliligi ile ayrette qaldırğan qırımtatar medeniyeti ögrenile. Belli artistler, yazıcılar, cemaat erbapları ile körüşüvler ötkerile.
Serliyev Eskender -”Avdet” Qırımtatar medeniyet merkeziniñ rehberi
Ankaradaki qırımtatar diasporasınıñ Umumiy Merkezi ve “Avdet” medeniyet merkezi tecribeleri ile paylaşıp, kelecekteki işbirlik planlarını müzakere ettiler. Ümüt etemiz ki, eñ yaqın zamanda bu eki teşkilâtnıñ inkişafında dostluq ve işbirlikleri aqqında yañı imkânlar açılır.
Acıosman Zakir - “Avdet” Qırımtatar medeniyet merkezi rehberiniñ muavini
