“Düzce Otları” Bereket Festivali
Düzce Belediyesi tarafından teşkil etilgen “7.Geleneksel DÜZCE OTLARI Bereket Festivali”ne qatıldıq.
Düzce Belediyesiniñ ev sahipligi yapqan festivalge Düzce Qırım Türkleri Derneginiñ davetlisi olaraq qatıldıq. Qırım Dernegi “Cıyın Ansambli”niñ oyuncıları, hocaları Evelina Kemileva ve “Tuvğan Til” İnternet Saytınıñ Koordinatorı Oya Deniz Çongardan oluşqan gruppa Düzcede 2 kün qalıp Umumiy Merkezni temsil ettiler.
Festival 6 Temmuz 2023 Perşembe künü saat 16.30-da Düzce Belediyesi ögünde başlap Anıtpark Meydanında bitken yürüş ile başladı. İştirak etken bütün toplulıqlarnıñ yer alğanı “Festival Kortej Yürüşi”ne Düzce Qırım Türkleri Derneginiñ Reisi Burhan Tutqun, eski reisi Osman Kesen, refiqaları ve yönetim qurulı azalarınen birlikte qatıldıq.
Yürüşten soñ Anıtpark Meydanında Qırımtatar halq oyunlarınıñ eñ sevilgenlerinden biri olğan “Tım-Tım”nı ustalıqnen icra etken oyuncılarımız büyük begeni topladı.
Festivalniñ ekinci künü tedbirleri “Konuralp Antik Kenti”nde (Prusias ad hypium) saat 10.30-da hanımlarnıñ el emegi işlerini sergilegenleri stendlerniñ açılmasınen başladı.
Kün boyu devam etken “Tabağını hayal kücüñle süsle” yemek yarışması”nen beraber stendtler de musafirler tarafından büyük meraq ile qarşılandı.
Dernegimiz “Cıyın Ansambli”niñ “Gögercin” ve “Marama” oyunları ile “Düzceniñ Güzelleri” halq oyunları taqımınıñ kösterüvleri de tedbirni yaraştırdı.
Festivalniñ ekinci künü Ayşe Taş ve Coşkun Sabah kibi artistlerniñ kontserti ile yekünlendi.
Taqımımız festival içün ketken şeherde Belediye Başqanı Sayğılı Dr.Faruk Özlüniñ talimatları ile Nusreddin Mahallesinde yapılmaqta olğan Qırım Parkınıñ inşaat faaliyetleri haqqında da bilgi aldı.
Küzde tamamlanması planlaştırılğan park inşaatında çalışmalar hareketli bir şekilde alıp barılmaqtadır.
