“Aluştadan Esen Yeller”
Ukrain Tiline Tercime Etildi
Qıymetli yazıcı Dr. Serra Menekaynıñ ilk basqısı 2015 yılında “Doğan kitap” neşriyatı tarafından yapılğan “Aluştadan Esen Yeller – Bir Qırım Türküsi” adlı romanı Ukrain tilinde basılacaq.
Yayın rehberligini Pavlo Sachek yapqan kitapnıñ Ukraince editorı ise Doç. Dr. İryna Dryga. “King Publishing” yayınevinde basılacaq olğan eser pek qısqa bir vaqıtta oquyıcılarğa taqdim etilecek.
Kitap raflarında yerini alğan künden bugünge qadar oquyıcılar tarafından çoq begenilgen, soñ basqıları da “Galeati” yayıncılığı tarafından yapılğan kitapnıñ Ukraince basqısınıñ qapaq tasarımı da soñ derece büyük bir muqaytlıq ile hazırlandı. Tasarımda Ukrainada XX. yüzyılnıñ ilk yarısında pek meşhur olğan Ukrainalı ressam Ivan Trushnıñ “Qırım seyahatı” resimler seriyasından “Qırım qayasındaki Çam teregi” adlı resmi qullanıldı. Yayın rehberi Pavlo Sachek qapak tasarımını hazırlarken, maqsatları, ilk evelâ, qırımtatar seriyasınıñ ilk dört kitabınen uyum içerisinde olmasını olğanını bildirdi. Yani bu seriyada basılacaq kitaplarda qapaqtaki resimler farqlı, amma dizayn aynı olacaq. Ayırıca kitapnıñ tanıtımını Qırım mevzulı resimlerni qullanaraq yapmaq istegenlerini ifade etken Sachek tasarımcınıñ XX-nci yüzyılnıñ ilk yarısında pek meşhur olğan Ukrainalı ressam Ivan Trushnıñ “Qırım seyahatı” resimler seriyasından “Qırım qayasındaki Çam teregi” adlı resmini qullanaraq hazırladığı tasarımnı yazıcımız Dr. Serra Menekaynıñ begenmesine teklif etkenini ve taqdirlegenini de bildirdi.
Menekaynıñ öz ailesiniñ hikâyesini, 1944 Qırımtatar Sürgünini, Qırımtatar halqınıñ her şeyge rağmen hayatta qalma ve yaşama azmini añlatqan eseri Türkiyede büyük meraq körgen edi. Yazıcı bu romanını yazağanda, qırımtatar halqınıñ taqdirini daha çoq insanğa bildimek maqsadınen yolğa çıqqan edi. Bütün dünyağa tesir etken işğal ve cenk ortamında eserniñ Ukraince basılması yazıcınıñ bu tilegini biraz olsa da kerçekleştirirken, insanlıqnıñ kelecek güzel künlerge olğan umütini da canlı tuta.
İstermiz ki, “Aluştadan Esen Yeller – Bir Qırım Türküsi” romanınıñ Ukraince basımı ilk olur ve başqa tillerge de tercime etilip, bütün dünyada kitapseverlerge yetkizilir.
