Yürüş, Fleşmob ve Arabada Yürüş

 

Qırımtatar milliy bayraq künü Kiyevde Tış işler nazirligi binasınıñ qarşısında qırımtatar bayrağını köterüv merasimi olıp keçti. Onda qırımtatar halqınıñ lideri Mustafa Cemilev, Meclis reisi Refat Çubarov, Tış işler naziriniñ birinci muavini Emine Ceppar ve Cumhurbaşqannıñ Qırımdaki daimiy temsilcisiniñ muavini  Tamila Taşeva iştirak ettiler.

205998187 513370656479878 290584396517656325 n

Cemilev qayd etti ki, qırımtatarlar keçken bütün yıllar devamında Ukrainanıñ Qırımda mustaqilligini  altın tamğalı mavı bayraq altında qorçaladılar. Bayram tedbirleri çerçivesinde  Kiyevniñ merkezi Kreşçatik meydanında yürüş  iştirakçileri qocaman qırımtatar ve yanında da ukrain bayrağını alıp yürdiler. Aktsiya qatılımcıları  "Qırım — bu Ukraina" diye seslendiler.

204053056 4020749004712285 135772109907078402 n

Yüzden ziyade insan iştiraq etken bu merasim belli qırımtatar sanatçıları Femi Mustafayev, Elzara Batalova, Lenara Osmanovanıñ çıqışlarından ibaret kontsert ile yekünlendi.

                                                                                                                                                                                                                 

                                                                                                                                                                                  Elvira Ablâziz / Kiev

 

205907490 4736926179654904 2943446633350688871 n

 

 

Pin It
  • Gösterim: 200