Tuvğan Tilniñ Baylığı Adlı Yañı Leyha Taqdim Etildi
“Armançıq” balalar dergisi qırımtatar şivelerine bağışlanğan “Tuvğan tilniñ baylığı” adlı yañı leyhasını taqdim etti.
Proyektniñ esas maqsadı balalarnı qırımtatar tili şivelerinen tanış etmek, tuvğan tilniñ zenginligini ve dülberligini köstermektir. “Tuvğan tilniñ baylığı” proyektniñ çerçivesinde “Armançıq” dergisiniñ hadimleri balalarnen birlikte Qırımnıñ Sudaq şeheri civarındaki Üsküt, Arpat, Taraqtaş köylerineñ Keriç ve Bağçasaray şeherlerine barıp, yerli sakinlerinen tanıştılar.
O şivelerdeki meraqlı sözlerni, şivelerniñ hususiyetlerini, köylerniñ etrafındaki dağlarnıñ, qobalarnıñ adlarını ögrenip çeşmeler, mahalleler, tarihiy yerlernen tanıış oldılar. Bunıñ neticesinde beş videoleyha çekildi.
Videoleyhalar “Armançıq” dergisiniñ youtube kanalında yerleştirilecek ve meraqlanğanlar o kanaldan baqıp olacaq.
Bu haber Crimean Tatars kanalınıñ materialları esasında hazırlandı: https://www.youtube.com/watch?v=b6w09rli2Hk
