Şevket Asanov Vefat Etti

Qırımtatar halqı milliy areketiniñ iştirakçisi, belli tilşınas, folklorcı, çoq yıllar "Yañı dünya" (1957-1991 ss- "Lenin bayrağı") gazetinde çalışqan, bütün ömüri qırımtatar halqınıñ atalar sözlerini, tapmacalarını toplağan, sürgünlikten soñ 1988 senesi Kiyevde 5.000 nushada neşir etilgen birinci "Qırımtatarca-Rusça luğat"nıñ ve soñra Qırımda neşir etilgen luğatnıñ müelliflerinden biri, bir sıra tehnikiy keşifler müellifi Şevket ağa Asanov koronavirus sebebinen vefat etti. Ömüriniñ soñki künlerinde Qırımtatar Atalar sözleri ve aytımları kitabınıñ toldurılğan ve 6 biñ atalar sözlerinden ibaret 3-nci neşiri üzerinde çalışa edi.

Şevket Asanov 1

Şevket ağa 1940 senesi Aqyar civarında Mamaşay köyünde doğdı. Babası Aledin Asan cenkte elâk oldı. Onıñ adı Mamaşaydaki abidege yazıldı.

Allahnıñ rahmetinde olsun!

 

 

Pin It
  • Gösterim: 478