"QIRIMTATARLAR"
asıl oluvından devletçilikke qadar
Keçenlerde Kiyevde qırımlı tarihçı Gülnara Abdullayevanıñ “QIRIMTATARLAR: asıl oluvından devletçilikke qadar” kitabı dünya yüzüni kördi.
Kitap müellifi qırımtatarlar ve Qırımnıñ diger milletleriniñ çoqasırlıq etnik tarihını etraflıca araştırdı. Bunıñnen o, qırımtatarlar etrafındaki uydurmalarnı faş eterek, mezkür halqnıñ özgünligi, unikalligi ve umuminsaniyet içün qıymetini kösterebildi.
Kitap yazarınıñ bildirgenine köre böyle bir ciddiy araştırma tesadufen ve ya da apansızdan peyda olmadı. Gülnara Abdullayevanıñ baş maqsadı oquyıcığa añlayışlı sade şekilde qırımtatarlarnıñ asıl olğanını, bu oluşturuvda nasıl milletler isse qoşqanı, onıñ hususiy çizgilerini tarif etmek edi.
Bunıñnen birlikte bu milletniñ angi devirde devletçiligi şekillengeni, Qırımda İslâm dinini peyda oluvı ve Geraylar sülâlesi aqqında ikâye etmektir. “Şunı bir kereden qayd etmek ister edim ki, bu kitap - akademik bir araştırma ve yada oquv qullanması degil. Eser Qırım yarımadasında yaşağan halqlar ve olarnıñ etnik tarihı mevzuında yazıldı.”
Elvira Ablâziz / Kiev
