Qırımtatar Medeniyeti Künleri Başladı

27 Nisan 2023 künü Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” başladı.

dans

Açılış tedbirinde bir çoq seyirci bar edi. Qırımtatar Dernegi Umumiy Merkeziniñ reisi Mükremin Şahin,

Mükremin

“Şefiqa Gaspralı Qadın teşebbüsi” teşkilatınıñ reisi Necla Qalqay,

Necla

Ukrayinanıñ Türkiyedeki Baş Elçiniñ muavini Oleksiy Çernışev, Türkiye Cumhurbaşqanı Baş yardımcısı Yalçın Topçu açılış sözleri ile çıqışta bulunaraq, qırımtatar medeniyetini yaşatmağa ve tanıtmağa niyetlengen tedbir teşkilâtçılarına ve iştirakçilerine iyi tilekler tilediler.

Açılş gösteri

“Qırımtatar Medeniyeti Künleri” açılış tedbiri qırımtatar muzıkası ve qırımtatar halq oyunları ile yaraştırıldı. Qırımtatar muzıka hocası Refat Useinov, kemaneci Anife Derman, çalğıcı Şamil Ersöz icra etken qırımtatar halq nağmeleri ile hoş bir ortam yarattılar. “Cıyın” ansambliniñ oyuncıları qırımtatar halq oyunları ile seyircilerge zevq berdiler.

1.kün qapağı için kolaj

Medeniyet künleri çerçivesinde qırımtatar halq sanatları ustalarınıñ sergisi de açıldı. Sergide qırımtatar keramika ustası Elvisa Tatarova, qırımtatar halq nağış ustası Ayşe Osmanova, qırımtatar ressamı Sakine Bayri, ressam Tülin Sezer, ebru ustası Devrim Güngör, quyumcı Feridun Aqçura, tezhip ustası Zeynep Şeyma Ersöz öz eserlerini numayış eteler. Ayırıca sergide Ukrayina Medeniyet Derneginiñ ve Qırım Dernegi Umumiy Merkeziniñ stendlerinde de kitaplar, hediyelik eşyalar taqdim etile.

Ukr Folk

“Qırımtatar Medeniyeti Künleri”niñ açılış tedbiri bir çoq seyircilerniñ diqqatını çekti. 27-30 Nisan künleri arasında devat etecek bu güzel ve meraqlı tedbirge qatılmañıznı bekleymiz.

ebru

Av. İlyas Aqtarannıñ “Soñ Ğazı Yaqup Satar” kitabınıñ tanıtımı

27 -30 Nisan 2023 künleri arasında Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” çerçivesinde yazıcı İlyas Aqtaran “Soñ Ğazı Yaqup Satar” kitabını tanıttı. Öz kitabında müellif qırımtatar tamırları olğan ve Türk Qurtulış Savaşınıñ soñ ğazısı olğan Yaqup Satar haqqında hikâye ete ve Yaqup Satarnıñ hatıralarını paylaşa. Kitap tanıtımı tedbiriniñ soñunda İlyas Aqtaran, meraq köstergen ve kitabını alğan iştirakçilerge kitabını imzaladı.

346110714 1517275355466295 5618072645740918108 n

Gazeteci Zera Bekirova Qırımtatar matbuatınıñ tarihini añlattı

27 -30 Nisan 2023 künleri arasında Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” çerçivesinde Qırımdan kelgen gazeteci Zera Bekirova “Terciman”dan bugünge qırımtatar matbuatı” maruzası ile çıqışta bulundı. Zera Bekirova, qırımtatar matbuatınıñ inkişaf basamaqlarını, onıñ tarihindeki qıyın vaqıtlarnı, qırımtatar gazetecileriniñ qaşına çıqqan zorluqlarnı tafsilâtlı añlattı ve qırımtatar matbuatına bağışlanğan vesiqalı filmden parçalarnı numayış etti. Qırımtatar matbuatınıñ tarihi öz inkişafı süreçinde bir çoq zorluqlarnen qarşılaşsa da, buña baqmadan qırımtatar halqınıñ tarihini, medeniyetini tanıtuv işini devam etkenini ifade etti.

346116607 1771979569864220 5034372961362219197 n

Qırımtatar halq yırlarında aks olunğan tarih

27 -30 Nisan 2023 künleri arasında Ankarada Qırımtatar Dernegi Umumiy Merkezinde “Şefiqa Gaspralı Qadın teşebbüsi” tarafından teşkil etilgen “Qırımtatar Medeniyeti Künleri” niñ ilk kününde belli tarihçı Prof. Dr. Haqan Qırımlı, belli qırımtatar yırcısı Rüstem Memet ve belli yırcı Arslanbek Sultanbekov tarrafından “Tarih ve Muzıka” aqşamı keçirildi. Tedbirde iştirak etken bir çoq seyircilerniñ közleri ögünde qırımtatar halqınıñ uzaq ve facialar tolu taqdiri canlandırıldı. Prof. Dr. Haqan Qırımlı, Qırımğa türkiy qabilelerniñ yerleşmesini añlatmasından başlarken, belli yırcı Arslanbek Sultanbekov da bu tarihni eski qıpçaq epik yırlar icra etip canlandırdı.

Arslanbek Sultanbekov

Qırım hanlığı devrini añlatırken, Haqan Qırımlı II. Bora Ğazı Geray hannıñ yazğan muzıka eserleri haqqında söz yürsetti ve “Mahur peşrevi”ni diñletti. Programmanıñ devamında Prof. Dr. Haqan Qırımlı 1783 senesi Qırımnıñ Rusiye tarafından işğalinden soñra facialı tarihiniñ “Aytır da cılarman”, “Port Artur”, “Çanaqqale”, “Şompol”, “Ural dağı”, “Aqyar”, “18 Mayıs gecesinde” kibi tarihiy yırlarda aks olunğanını añlattı ve meşhur yırcı Rüstem Memet bu yırlarnı icra etip, o tarihiy vaqialarnı canlandırdı ve seyircilerni duyğulandırdı.

346112367 983398422834958 2922162383117916707 n

Haqan Qırımlı, qırımtatar halqınıñ 1944 senesi sürgüninden ana vatanları Qırımğa qaytmaq arzusı da yırlarında ifade olunğanını qayd etti, Rüstem Memet ve Arslanbek Sultanbekov ise “Ey, güzel Qırım”, “Baydarava qaranfili”, “Bizim Taraf”, “Vatanım Qırım” yırlarını icra etip, diñleyicilerniñ alğışlarını qazandılar. Bu muzıka aqşamı iştirakçiler tarafından pek sıcaq qabul olundı, Prof. Dr. Haqan Qırımlı, yırcılar Rüstem Memet ve Arslanbek Sultanbekov büyük alğışlar qazandılar.

Hakan Kırımlı 1

Nisan ayınıñ 30-na qadar devam etecek “Qırımtatar Medeniyeti Künleri” çerçivesinde ananeviy qırımtatar medeniyeti, tarihi ve sanatına bağışlanğan bir çoq tedbirler keçirilecek. “Qırımtatar Medeniyeti Künleri”nde iştirak etmege sizni de davet etemiz.

İzleyiciler

 

 

Pin It
  • Gösterim: 149