Qırımda “Saz ve Söz” Aqşamı
Qırımda, Bora Ğazı Giray Hannıñ yazğan şiirleri ile bestelegen eserleri icra etilgen "Saz ve Söz" adlı muzıka ve şiir aqşamı teşkil etildi.
Qırımnıñ Aqmescit şeherinde 19 Mart 2023 tarihinde “Yeşil Ada” davet salonında, "Saz ve Söz" adlı muzıka ve şiir aqşamı teşkil etildi. “Nenkecan” dergisi, “Qırım” folklor ansambli ve “Yeşil Ada” davet salonı tarafından teşkil etilgen tedbirge tahminen 200 kişi qatıldı.
Tedbirde “Qırım” folklor ansambli, Bora Ğazı Giray Hannıñ eñ belli bestelerini icra eterken, Qırımtatar sanatçıları Seitabla Memetov, Fatma Asanova, Gülnara Planciyeva, Luiza Useinova, Afize Yusuf qızı ve şaire Elmaz Bahşış, Bora Ğazı Giray Hannıñ şiirlerini oqudı.
Aynı tedbirde filologiya ilimleri namzetı, edebiyatşınas Nariman Abdulvaapov ve bestekar Merziye Halitova, divan edebiyatı ve divan muzıkası mevzusında ıştırakçilerge malümat berdiler.
Devlet erbabı, şair, bestekâr, hattat Bora Ğazı Giray Han (D.1554, Qırım;-Ö. Qasım 1607, Aqmescit), Devlet Giray Hannıñ oğludır. Soñradan köstergen qahramanlıqlar sebebinden Bora lağabını alğandır.
I. Ğazı Giray olaraq da bilingen Bora Ğazı Giray Han küçlü bir medrese tahsili kördi. Ğazı Giray Han, muvafaqiyetli bir devlet erbabı ve asker olmasınen beraber güzel bir şair ve bestekâr edi. Bundan ğayrı hattat da edi. Sanatçılarnı, bilmirlerni qoruğan; pek degerli saz eserlerini bestelegendir. Peşrevleri, saz semaileri bugün hâlâ sıq-sıq çalınmaqtadır. Hüzzam peşrevi, mahur peşrevi ile saz semaisi, bayatîaraban peşrevi, şedaraban saz semaisi klassik muzıka repertuarınıñ eñ güzel saz eserleri arasındadır. Eski mecmualarda adı "Tatar" diye keçer.
Bora Ğazı Giray Han şiirlerinde “Ğazayî” mahlâsını qullanğandır. Şiir yazğan Giraylarnıñ içinde eñ meşhurıdır. Farsça rubaileri olğanı kibi, gazelleri de Osmanlı şairleriniñ gazelleri seviyesindedir. Ğazı Giray Hannıñ aynı zamanda Qıpçak Türkçesi ile yazğan şiirleri de bardır. Osmanlılarnen beraber Avropa seferine qatılğan Bora Ğazı Giraynıñ andan padişahqa yazğan manzum mektüpleri de pek meşhur olğandır.
Ğazı Giray Han muzıkada olğanı qadar klassik Türk şiirinde de ehemiyetli bir şahsiyettir. Bilhassa devriniñ diger şairlerinden “Epik” mahiyetteki şiirleri ile ayırılır. Ayırıca, mesnevi tarzında yazğanı “Gül ve Bülbül” adlı eseri, mektüpleri, devriniñ alimlerinden Kefeli Hüseyin Efendige yazğan manzum ve mensur münşeatı (mektüpleri) pek ehemiyetlidir.
Resimlerniñ müellifi: Beye Remzi Qızı
