"Qırım" propaganda film yaratıcıları —"qara cedvel"de
Ukraina "Qırım" adlı propaganda filminde iştirak etken rusiyeli aktörlarnı "qara cedvel"ge kirsetti.
Yedi nefer çalğıcı ve aktör Ukraina milliy havfsızlığına telükelidir, dep tanıldılar. 2021 senesi kiçik ayında Ukraina medeniyet ve informatsion siyaset nazirligi olarnı "qara cedvel"ge qoştı.
Cedvelge "Hor Turetskogo" taqımınıñ beş çalğıcısı - Aleksey Aleksandrov, Pavel Berdnikov, Oleg Blâhorçuk, Konstantin Kabanov ve Mihail Küznetsov, bunıñ kibi de aktörlar Roman Kurtsın ve Yevgeniya Lapovanıñ isimleri qayd etildi.
Bütün bu şahıslar Rusiye mudafaa nazirliginiñ parasına çıqarılğan "Qırım" propaganda filminde qatıldılar. Ukrainanıñ devlet sıñırını bozğan, rus işğalini red etken, Rusiye işğal etken Qırımdaki tedbirlerde iştirak etken bu sanatçılar "Mirotvorets" merkeziniñ cedvelinde yer aldılar. 2021 senesi kiçik ayına "qara cedvel"de artıq 171 insannıñ soyadı bar.
Elvira Ablâziz / Kiev
