Qırım Hanlığı ve Ukrain Kozakları
“Emel Qırım Vaqfı“nıñ “Fikir-Kültür Konferentsiyaları” çerçivesinde 2021 s. Kiçik ay 14-ünde, Bazar künü, saat 15.00-de internet vastasınen teşkil etilgen toplaşuvnıñ adı “Qırım Hanlığı ve Ukrain Kozakları” edi.
Konferentsiyanıñ qonuşmacısı Poloniya Bilimler Akademiyasınıñ Doktorantı Andriy Jıvaçivski edi.
İnternet vastasınen teşkil etilgen konferentsiyada iştirak etkenler arasında Dünya Qırımtatar Kongressi (DQTK) ve Qırımtatar Milliy Meclisi (QTMM) Reisi Refat Çubarov da bar edi. İştirakçileri çoq olğan toplaşuv tahminen 3 saat devam etti.
Moderatorlığını Namık Kemal Bayar yapqan tedbir “Emel” dergisi yazı işleri mudiri ve “Emel Qırım Vaqfı” Teftiş Qurulı azası Özgür Qarahannıñ qonuşması ile başladı. Qarahan qonuşmasına Kiçik ay 14-te doğğanınıñ 120 yıllığı qayd etilğen Hamdi Giraybaynı añaraq başladı. Soñra Andriy Jıvaçivski slaytarnen azırlağan “Qırım Hanlığı ve Ukrain Kozakları” mevzusında tahminen 40 daqiqa devamında taqdim yaptı.
Ukrainanıñ İvano-Frankivsk şehri Golın köyünde doğğan Andriy Jıvaçivski Prikarpatski Milliy Üniversiteti Tarih Bölüminde bakalavr (lisans) ve magistratura (yuksek lisans) tahsilini aldı. Bugünde-bugün Poloniya İlimler Akademiyası Doktorantı olğan Jıvaçivski Yañı Çağ Osmanlı Tarihınen bağlı Qırım Hanlığı Geografiyası, Kefe Sancağı ve Osmanlı-Moskof İlişkileri mevzusında çalışmaqtadır. Qırımtatar medeniyetinen bağlı olğan, Qırımtatarca bilgen Andriy Jıvaçivski Ukraina ve Poloniyada Qırımtatar faaliyetleriniñ gönülli iştirakçisidir.
Büyük meraq doğurğan programmanıñ soñunda Andriy Jıvaçivski iştirakçilerniñ suallerine cevap berdi.
Bu toplaşuvnıñ video qaydını "Emel Qırım Vaqfı" youtube saifesinde körebilesiñiz.
