“Mızraq Turuşlı Qadınlar” Qırım Vaqfı Yararına Sahnalaştırıldı
Pınar Ayhan ile Serra Menekay sahnalaştırğanları “Mızraq Turuşlı Qadınlar” adlı muzıkalı hikâye kösterüvi Şefiqa Gaspralı Qadın Teşebbüsiniñ teşkil etmesi ile Qırım Vaqfı yararına 2 Mayıs 2024 tarihinde MEB Şura salonında seyirciler ile buluştı.
Türk Dünyasında, hususan Qazan ve Qırımda 19-ıncı yüzyılınıñ başlarında ortağa çıqqan qadın aydınlanmasını inceleyerek başlağan kösterüvde yüzyıldan daha çoq bir zaman evelsi közden keçirile.
Rusiye Müslümanlarınıñ 1905 ve 1907 yıllarındaki kongresslerinden tutuñ da, 1917 yılında Qırımda yapılğan parlament seçimlerindeki qadınlarnıñ başarısını, millet vekili, hatta parlament reisi vekili olmalarını belgesel ciddiyeti ile ortağa qoyula.
1917 yılında Rusiye Müslümanları kongressinde saylanacaq 6 kadın içün, 3-ü qadın olğan 38 namzet arasından Ufa qadısı saylanğan ve daha soñraki saylavlarnı da qazanaraq tam yigirmi sene qadılıq vazifesini yürütken Muhlise Bubi kösterüvde seyircige tanıtıla.
26 Qasım 1917-de Qırımda yapılğan 76 azalı Qurultay (parlament) saylavlarında millet vekili saylanğan 5 qadından biri olğan ve parlament reisi vekilligini de qazanğan Şefiqa Gaspralı ile qadın hareketi ve ehemiyeti bu kösterüvge mevzu qazandıra.
Milliy mücadeleniñ qadın qahramanlarınıñ yeri seyirci ile paylaşıla.
Sosial, siyasiy ve meslekiy alanda ilk olğan qadınlarnıñ hikayesi ve başarısı künümizge qadar ketirilerek, heyecannen seyircige taqdim etile.
Añlatımlarğa video ve fotograflar yanında yır, şiir ve oyunlar ile müthiş bir zenginlik qoşula.
Klassik teatral ve muzıkal kösterüvge farqlı bir añlatım, münderice ve sunum tehnikası ile ketirilgen açış, bu kösterüvni uzun vaqıt kün tertibinde tutacaq kibi körüne.
Bu muhteşem kösterüv ile yaraqanları heyecan, bıraqqanları iz vesilesinen Pınar Ayhan ve Serra Menekay ile taqımlarına teşekkürlerimizni bildiremiz.
