Litvaniyada Sabantoy Teşkil Etildi
Litvaniyanıñ Trakay şeherinde 2024 senesi Oraq ayınıñ 21-de, Bazar künü Dernegimiz de temsil etilgen "Sabantoy" teşkil etildi.
Tatar Mediniyet Dernegi tarafından teşkil etilgen tedbirde Trakayda yaz kampında tahsil körgen gençler, aileleri ve davetliler iştirak etti.
Gençlerniñ yırlarnen yürüşi ile başlağan tedbirniñ açılışında sözge çıqqan dernek reisi Almira Parmaqsızoğlu kelgen musafirlerge teşekkür bildirip, qonuşmasında kamptaki tahsil ile bağlı malümat berdi.
Bundan soñ “Cıyın” ansambliniñ oyun hocası Evelina Kemileva ve “Tuvğan Til” internet saytınıñ Koordinatorı Oya Deniz Çongarnıñ da bulunğan hocalarnı musafirlernen tanıştırdı.
Eglenceler gençlerniñ keyfle oynağan, alandan yayılğan Tatar nağmelerine oynağan, aralarında kütükke mıhi qaqma, yip atlama, oq atma, qopqanen suv taşıma, yımırta taşıma ve çuval yarışı kibi soqaq oyunları ile devam etti.
Eglenceler başlarken, gençlerniñ ketirgeni ve isimlerini aytaraq meydanğa taşlağanı küçük hediyeler ise daha soñra qarışıq olaraq kene gençlerge dağıtıldı.
Aralarında Türkiyeniñ Vilnüs Büyükelçiligi hadimleri, Diyanet İşleri Başqanlığı hadimi ve Trakay Belediyesinden hadimler de bulunğan musafirlerniñ hem neşe ile seyir etken hem de iştirak etken oyunlar beraberlikte yapılğan aqşam yemegi ile tamamlandı.
