"Genç Tatar" İnitsiativası Ziyareti

 

Merkezi Konya’da olğan “Genç Tatar” initsiativasına mensüp arqadaşlarımızdan bir gruppa 2021s. Boş ay 20 Cumaertesi künü Umumiy Merkezimizni ziyaret ettiler.

WhatsApp Image 2021 11 20 at 21.40.52

Bu künge qadar Qırımtatar medeniyeti, tarihi, halqımıznıñ vaziyeti ve problemleri ile bağlı mevzularda çalışqan arqadaşlarımız sotsial media üzerinden canlı yayın yaparaq bu mevzularnı seslendirgenleri kibi pandemiya zamanında onlayn santraç yarışması da teşkil ettiler. Arqadaşlarımıznıñ ziyaretinde santraç yarışmasınıñ kenişletilmesi ve Qırımtatarları yaşağan her ülkeden iştirakçilerniñ celp etilmesi hususında fikir paylaşımı oldı. Netice olaraq 1917 Qurultayının 104. Yıldönümine bağışlanğan (Qurultay 1917) uluslararası bir yarışma teşkil etilmesine qarar alındı. Esas olaraq bu yarışmanıñ 2021s. İlk qış ayı 11-12 (11-12 Aralıq) tarihlerinde yapılması ve şartlarnıñ belgilenmesinden soñra ilân etilmesi aqqında müzakere yapıldı. Ayrıca bu yarışmanıñ yılda eki kere, “Qırımtatar Milliy Bayraq Künü” ve “Qurultay” tarihlerine doğru kelecek şekilde yapılması uyuğun körüldi. Yarışmanıñ korporativ şekilge çevirerek her yıl teşkil. olunması hususında da fikir birligine barıldı.


WhatsApp Image 2021 11 20 at 21.40.45

"Genç Tatar" initsiativasına mensüp arqadaşlarımız ile yapılğan toplaşuvımızda Vatanımızda ve 15 farqlı ülkede yaşağan halqımıznıñ meseleleri mevzusında ortaq işlerniñ arttırılması haqqında qarar alındı.


WhatsApp Image 2021 11 20 at 21.40.51 3

 

 

 

Pin It
  • Gösterim: 268