Dr. Işılay Işıqtaş Savanıñ Eki Eseri Yayınlandı

 

Qırım Derneginiñ faal azası Hacı Bayram Veli Üniversitetiniñ hocası Dr. Işılay Işıqtaş Savanıñ zemaneviy qırımtatar şairleri Şakir Selim ve Memet Nüzet ile bağlı hazırlağanı eki kitabı Avrasiya Yazıcılar Birligi  “Bengü Yayıncılık” tarafından yayınlandı.

Sakir selim

Avrasiya Yazıcılar Birligi Bengü Yayınları 400. nusha olaraq neşir etilip ve oquyıcıları ile buluşqan “Kırım Tatar Şairi Şakir Selim'in Şiirleri” (“Qırımtatar Şairi Şakir Selimniñ Şiirleri”) kitabı 16x24 scm biçiminde ve 566 saifeden ibarettir. Şakir Selimniñ icadınıñ icincelemesini temel alğan eserde şairniñ hayatı ve yaşağan devri haqqında bilgiler yer alırken, şairniñ qırımtatar edebiyatındaki yeri de degerlendirilgendir. Şakir Selimniñ türlü kitaplarında neşir olunğan 347 şiiri kiril hariflerinden latin hariflerine çevrilgen ve Türkiye Türkçesine tercime etilgendir.

Memet Nuzet

19-ıncı asırnıñ soñu ve 20-nci asırnıñ başlarındaki qırımtatar edebiyatınıñ körümli şairlerinden Memet Nüzetniñ “Qırımnıñ Çöl Ayatından” adlı seçme eserler antologiyası olaraq 2003 yılında kiril harifleri ile qırımtatarca basılğan edi. Bu kitapta Memet Nüzet sağ olğanda qalemge alğan 103 şiirini qaydetkeni yekâne elyazması olğan defteri esas alınğan edi. Qırımtatar şairi Memet Nüzetniñ bu kitabınıñ içindeki şiirleri latin hariflerine transkriptsiyası, Türkiye Türkçesine tercimesi ve incelenmesini qaplap alğan bir şekilde Dr. Işılay Işıqtaş Savanıñ ğayretli çalışmaları neticesinde “Kırım’ın Çöl Hayatından” (“Qırımnıñ Çöl Ayatından”) adı ile Bengü Yayıncılık tarafından neşir etilgendir.

Zemaneviy Qırımtatar Edebiyatınıñpek ehemiyetli eki şairiniñ icadı incelengen bu eserlerni hazırlağan Dr. Işılay Işıqtaş Sava ile “Bengü Yayıncılık”qa taqdirlerimizni ve teşekkürlerimizni bildiremiz.

 

 

Pin It
  • Gösterim: 262